香馥樓

Open Now

Now Closed

今晚同朋友去銅鑼灣廣場香馥樓食晚飯，朋友推介這裡食晚飯，因地方闊落，有傳統中式口味，店員服務殷勤細心，最緊要有質素高嘅食物！今晚就由朋友發板，先來一個紫砂功夫燉湯，上枱以一個紫砂壺配隻功夫茶杯一齊上，燉湯超熱，打開見到內裡充滿湯料，有黑蒜、彈牙爽口螺頭肉，還有瘦肉同雞肉，入口有陣陣藥味清香，作為今晚開始又係一個唔錯嘅選擇！而這裡必食嘅就係蜜汁厚切西班牙黑毛豬，外面燒得十分香口，加上厚切西班牙黑毛豬個種軟熟嫩滑口感，十分有層次，喜歡食叉燒嘅朋友又多一樣必食推介！而個芝麻鹽焗雞，亦係個人私心之選擇，皮脆肉嫩，上面還撒滿了香口芝麻，入口啖啖肉，大大份！還有椒麻安格斯牛粒，本身肉質鮮嫩富口感，油脂分佈平均，牛味濃郁嘅牛肉粒，內有大量京蔥，還有香濃嘅麻椒襯托，入口帶點刺激亦不會搶走本身牛味，而京蔥味道亦帶甜味，十分配合！欖仁鮮蟹肉粉絲煲，上枱熱燙燙，上面師傅用鮮蟹肉煎成肉餅，放在粉絲上面，而粉絲內都放滿了香脆欖仁，攪勻入口啖啖蟹肉混埋粉絲入口，十分彈牙爽口，鑊氣十足！最後還有滋潤足料，口感豐富，配有新鮮果肉嘅楊枝金露同埋有清甜可口杞子桂花糕，作為今晚就嘅結尾，真係十分完整美滿