Video
Read full review
2023-05-14
1065 views
🍽️ Mirage Bar & Restaurant 📍灣仔港灣道1號香港萬麗海景酒店1樓-上次個晚餐太好食，今次經過忍唔住入嚟食埋個下午茶試吓🤣（$528兩位，包咖啡或茶兩杯）第一層：鹹點💫 紅菜頭鷹嘴豆泥配牛油果、菲達芝士酸洋蔥多士多士好脆，鷹嘴豆泥既鹹同大量菲達芝士好夾，配埋牛油果中和味道👍🏻👍🏻正💫 布拉塔芝士及紅色火龍果西班牙冷湯火龍果西班牙冷湯酸酸甜甜，好開胃！加埋布拉塔芝士，食到芝士嘅香之餘，成件事完全唔膩😍😍💫 未來漢堡、牛油生菜、車打芝士、洋蔥我估佢嘅漢堡包皮係想做粉紅色，但係最後變咗豬膶色🤣🤣麵包有烘過，入面嘅係beyond meat，切開竟然有肉汁！真係好驚喜😍😍第二層：甜點💫 士多啤梨朱古力撻粉紅色嘅朱古力醬唔太甜，撻入邊全部都係士多啤梨片！味道酸甜適中，啱啱好🫶🏻🫶🏻💫 萬麗美式芝士蛋糕芝士蛋糕上嘅朱古力牌竟然出奇地好食！少少澀味，配埋芝士蛋糕，兩者夾埋一齊味道非常和諧💫 伯爵茶朱古力伯爵茶味略淡，但佢係一粒好食嘅朱古力💫黑加倫子奶凍奶凍質感似泡泡，個人認為太酸🫢🫢🫢💫 雲呢拿白朱古力杏仁蛋糕杏仁上面有金箔點綴，望落好靚好高貴😍😍蛋糕味道較淡，配合白朱古力👍🏻👍
📍灣仔港灣道1號香港萬麗海景酒店1樓
-
上次個晚餐太好食，今次經過忍唔住入嚟食埋個下午茶試吓🤣（$528兩位，包咖啡或茶兩杯）
第一層：鹹點
💫 紅菜頭鷹嘴豆泥配牛油果、菲達芝士酸洋蔥多士
多士好脆，鷹嘴豆泥既鹹同大量菲達芝士好夾，配埋牛油果中和味道👍🏻👍🏻正
💫 布拉塔芝士及紅色火龍果西班牙冷湯
火龍果西班牙冷湯酸酸甜甜，好開胃！加埋布拉塔芝士，食到芝士嘅香之餘，成件事完全唔膩😍😍
💫 未來漢堡、牛油生菜、車打芝士、洋蔥
我估佢嘅漢堡包皮係想做粉紅色，但係最後變咗豬膶色🤣🤣麵包有烘過，入面嘅係beyond meat，切開竟然有肉汁！真係好驚喜😍😍
第二層：甜點
💫 士多啤梨朱古力撻
粉紅色嘅朱古力醬唔太甜，撻入邊全部都係士多啤梨片！味道酸甜適中，啱啱好🫶🏻🫶🏻
💫 萬麗美式芝士蛋糕
芝士蛋糕上嘅朱古力牌竟然出奇地好食！少少澀味，配埋芝士蛋糕，兩者夾埋一齊味道非常和諧
💫 伯爵茶朱古力
伯爵茶味略淡，但佢係一粒好食嘅朱古力
💫黑加倫子奶凍
奶凍質感似泡泡，個人認為太酸🫢🫢🫢
💫 雲呢拿白朱古力杏仁蛋糕
杏仁上面有金箔點綴，望落好靚好高貴😍😍蛋糕味道較淡，配合白朱古力👍🏻👍🏻👍🏻杏仁味唔濃🤣🤣啱曬我
第三層：
💫英式鬆餅（原味及提子乾）
配有橙醬、士多啤梨醬，同埋clotted cream😍😍呢隻鬆餅比平時嘅增添一份鬆脆，唔會食得好辛苦👍🏻👍🏻可惜嘅係因為我哋食得好慢，個鬆餅已經凍咗了🥹🥹
飲品：
💫 BERRY BLAST（藍莓、蔓越莓、櫻花糖漿、櫻花忌廉、檸檬汁、梳打水）（加$38）
酸酸甜甜好開胃😍😍加上佢係粉紅色🫶🏻🫶🏻少女心大爆發
-
🌟店員一如既往，親切有禮
🌟食物質素唔差，不過對比起嚟，我覺得晚餐好味啲
🌟今次個廁所有進步🤣🤣比之前乾淨
推薦指數：4/5
抵食指數：4/4
#foodloverin852 #852 #foodie #hongkong #WanChai #灣仔 #Mirage #teatime
Post
