Video
Read full review
2022-02-19
5592 views
慶祝生日約咗朋友嚟食留家廚房，本身約夜晚，但又停晚市堂食，唯有改食午市變咗飲茶。餐牌上選擇都好多，第一次嚟所以嗌咗啲招牌菜留家煙燻雞同太史戈渣。叉燒都係招牌菜，我哋都好有興趣，但侍應只答一句「而家無喎」。唔知係嗰日賣晒，還是午市無供應，唔明佢咩意思…首先上枱嘅係留家煙燻雞，一上枱就聞到好香煙燻味食落帶煙燻味嘅滷水非常香。雞皮薄，脂肪唔會太多，雞肉嫩滑，就連雞胸位都好滑完全唔鞋用上新鮮雞所以有埋雞肝同雞腎，雞肝甘香，雞腎爽口，兩樣都好食另一招牌菜 - 太史戈渣，以高湯加雞蛋再上粉炸成，係個好花功夫嘅菜式。食時加啲白砂糖喺面，表面酥脆，味道好似玉子豆腐，同樣口感滑溜，但就多咗高湯嘅味道。苔條九肚魚粉漿夠薄，炸得非常酥脆，而且唔油膩內裡九肚魚嫩滑鮮味，帶點海苔嘅香味。炸到金黃色嘅蝦多士賣相好靚，食落多士酥脆唔油膩，蝦肉鮮味有彈性星期日限定嘅三色帶子餃造型精緻，表面橙色係蟹籽，黃色綠色分別係粟米同菜粒。內餡除咗有帶子仲有蝦肉，蝦味比帶子味道更突出。火鴨絲腸粉皮厚薄適中，中間夾住好多火鴨絲，好足料芋角比起一般無咁油膩，內餡芋泥綿密，好好味鳳凰煎米雞係煎嘅糯米雞，表面煎到微燶，口感同煲仔飯飯焦相似
餐牌上選擇都好多，第一次嚟所以嗌咗啲招牌菜留家煙燻雞同太史戈渣。叉燒都係招牌菜，我哋都好有興趣，但侍應只答一句「而家無喎」。唔知係嗰日賣晒，還是午市無供應，唔明佢咩意思…
留家煙燻雞
115 views
1 likes
0 comments
首先上枱嘅係留家煙燻雞，一上枱就聞到好香煙燻味食落帶煙燻味嘅滷水非常香。雞皮薄，脂肪唔會太多，雞肉嫩滑，就連雞胸位都好滑完全唔鞋用上新鮮雞所以有埋雞肝同雞腎，雞肝甘香，雞腎爽口，兩樣都好食
太史戈渣
119 views
0 likes
0 comments
另一招牌菜 - 太史戈渣，以高湯加雞蛋再上粉炸成，係個好花功夫嘅菜式。食時加啲白砂糖喺面，表面酥脆，味道好似玉子豆腐，同樣口感滑溜，但就多咗高湯嘅味道。
苔條九肚魚
157 views
0 likes
0 comments
苔條九肚魚粉漿夠薄，炸得非常酥脆，而且唔油膩內裡九肚魚嫩滑鮮味，帶點海苔嘅香味。
懷舊蝦多士
100 views
0 likes
0 comments
炸到金黃色嘅蝦多士賣相好靚，食落多士酥脆唔油膩，蝦肉鮮味有彈性
三囍臨門帶子餃
112 views
0 likes
0 comments
星期日限定嘅三色帶子餃造型精緻，表面橙色係蟹籽，黃色綠色分別係粟米同菜粒。內餡除咗有帶子仲有蝦肉，蝦味比帶子味道更突出。
火鴨絲腸粉
53 views
0 likes
0 comments
火鴨絲腸粉皮厚薄適中，中間夾住好多火鴨絲，好足料
蜂巢芋角
71 views
0 likes
0 comments
芋角比起一般無咁油膩，內餡芋泥綿密，好好味
鳳凰煎米雞
108 views
0 likes
0 comments
鳳凰煎米雞係煎嘅糯米雞，表面煎到微燶，口感同煲仔飯飯焦相似，鍾意食飯焦嘅會好鍾意呢個！
蟹籽海皇炒飯
30 views
1 likes
0 comments
炒飯粒粒分明有鑊氣
炒貴刁
87 views
2 likes
0 comments
炒貴刁都同樣有鑊氣，而且唔會過份油膩。
整體嚟講食物有水準質素高，環境亦坐得舒服。唯一係侍應服務好有進步空間！我本身對服務都算無乜要求，喺香港食呢啲幾百蚊一餐都唔會求有咩特別好服務，做到基本嘢就得，但個別侍應連基本都做唔到，希望餐廳可以改善下。
Post
