木玥巷 (Closed)

放工返到元朗屋企真係好攰呀，無心力再煮飯喇。見朗屏站附近開咗一間新嘅台灣菜，就一於試吓啦。未上菜先上咗前菜。呢個蜜糖芝麻合桃焗得好香口鬆脆，面頭薄薄的一浸蜜糖令人更加開胃。💜麻辣鴨血一上枱就聞到好香嘅藥材味，先飲一啖湯汁，很溫和的辣味，少少麻，但不嗆鼻。鴨血大大嚿有成五舊，而且qq有嚼勁，吸滿了湯汁精華，咬落 好Juicy!💜台式炸物拼盤炸物有菇、四季豆、甜不辣同大大塊雞！最好食當然是個炸雞塊，個炸皮夠薄，雞肉更緊實鎖住水分，口感柔嫩多汁！💜蟹肉金絲炒新竹米粉三道菜中最好食就係呢道。新竹米粉比較細身，炒得夠乾爽，但一點都不油膩，又唔會太乾。蟹肉份量仲好多再仲加咗芽菜同瑤柱，炒到金金黃黃，好香口！💜芒果寒天多多夏天飲呢個最爽！芒果味夠香濃，配合多多嘅酸甜味好消暑！寒天好Q彈，有咬口，為呢杯夏日特飲增添色彩！💜木玥黃金水果茶又係夏天消暑之選！酸甜嘅雜果非常消濟解膩，仲有真材實料嘅水果粒可以當做飯後甜品，偉今日嘅晚餐左一個完美嘅總結。總結，食物質素高，環境舒服，價錢合理，會再次光顧！