鮨盛 (Closed)

今日同老公去左尖沙咀附近買嘢，去過蘋果附近見到呢間新開嘅omakase，見餓餓地就上去食。上到去環境唔錯，有個大螢幕見到紅葉，好似身處日本咁，另外有2間包廂可以訂位，私隱度高，適合朋友聚會。水果蕃茄甜，黑梅貝肉質爽口彈牙。北海道蟹肉燉蛋 燉蛋超滑，蟹肉鮮甜。鱈魚白籽 滑嘟嘟，口感豐富，加左酸汁味道幾開胃。剝皮魚金鯛魚立鱗燒燒得脆卜卜，魚質外脆內滑。池魚 熟成五日味道更濃郁。昆布甜蝦甜蝦爽口鮮甜，加左蝦籽增加口感。石垣貝師傅係面前拍打一下，仲郁郁下，非常新鮮。地金目鯛醬油漬吞拿魚海膽啖啖Creamy，好鮮甜。拖羅油脂分泌豐富，無筋，入口即溶。手卷師傅加左大量拖羅蓉，三文魚籽，蘿蔔絲，口感十分豐富。