饗11 (Closed)

暑假時同大少嚟過時代廣場嘅 饗11食過豐富又好味嘅午餐，咁今次約左朋友出銅鑼灣午聚，所以就決定再嚟食個性價比超高午餐啦！再次選擇餐廳除左嘢食好味之外，另一重點就一定係佢嘅裝潢，帶點雅典風味之餘，枱與枱之間有足夠空間，咁就可以坐得舒舒服服咁慢慢食又慢慢傾。是日午餐嘅選擇都有好多，我地各自選了一個午市套餐，除左主菜外，仲有沙律、湯同埋餐飲，另外仲可以加配甜品。先嚟火腿蔬菜沙律仍為一個美好嘅頭盤。然後就到是日餐湯黃薑西蘭花忌廉湯，香濃嘅西蘭花蓉，加上忌廉，同埋點點辛味嘅黃薑，非常順滑味濃。 另外，朋友就加錢轉酥皮龍蝦湯，酥皮焗得好香脆，龍蝦湯鮮味濃郁而且湯仲有龍蝦肉粒，整體上口感豐富鮮美。 我嘅主菜係 燒特色春雞配煎米餅，依個可以話係驚喜之作。春雞肉質非常厚身得嚟仲可以做到皮脆肉嫩嘅口感，另一重點盲係個香脆，入口非常有層次。朋友就點左 烤焗巴西豬寸骨，烤豬寸骨肉質很爽滑，而外皮微微焦香，所以香脆得嚟又帶多點濃郁嘅肉汁，口感味道一流。  餐飲我地就簡單叫左兩杯檸檬茶，因為要留肚食甜品呀我地各叫左一份藍莓芝士蛋糕及檸檬雪葩，兩份甜品都一樣令人回味。檸檬雪葩一如以往嘅味道清新，入口酸酸地絕對係解膩