Video
Read full review
2021-07-08
147 views
你得去旅行個日本癮又出黎😆朋友介紹大圍呢間居酒屋🏮非常唔錯，決定一試👍🏻平日晚飯時間，場內爆滿，餐廳走日式木系簡約風有日或感覺之餘坐得幾舒服，適合小型聚會三兩知己飲住串食住串燒傾密計😚餐牌選擇都唔少，前菜、小食、串燒、丼飯全部都有花多眼亂，我地一個沙律，串燒同一個丼飯，上菜速度都快👏🏻先黎試下呢個幾特別既燒味噌牛腸串其實日本人都幾會食內臟，就好似香港人食牛雜粉麵咁不過內臟類既菜式，係要多d功夫去處理。而呢度既燒味噌牛腸串就處理得唔錯，冇咩唔好既異味得黎，又唔會完全洗到冇哂味。牛腸既口感係有偏林又帶有佢原本既咬口，唔會咬極唔爛😃而且燒牛腸串配上佢地既味噌醬，香濃帶甜味既味噌醬，燒完之後更加濃縮，同牛腸確實係幾夾無論係前菜定送酒小食麵唔錯👍🏻👍🏻👍🏻冷胡麻牛油果豆腐沙律🥗沙律睇落色彩好豐富，料好多沙律醬係經典日式麻醬，醬既量係預好左夠去配哂成個沙律既份量，唔會唔夠味又唔會浸住哂咁睇落除左顏色豐富，都幾大份，料又多。沙律菜夠新鮮，牛油夠林而日式炸豆腐係炸得好到有d surprise。除左皮薄夠酥脆同埋豆腐又滑又軟，日式炸豆腐同其他地方既炸豆腐唔同，皮既酥脆帶有d沙沙地既口感，而呢層炸皮，佢係
平日晚飯時間，場內爆滿，餐廳走日式木系簡約風
有日或感覺之餘坐得幾舒服，適合小型聚會三兩知己飲住串食住串燒傾密計😚
餐牌選擇都唔少，前菜、小食、串燒、丼飯全部都有
花多眼亂，我地一個沙律，串燒同一個丼飯，上菜速度都快👏🏻
先黎試下呢個幾特別既燒味噌牛腸串
其實日本人都幾會食內臟，就好似香港人食牛雜粉麵咁
不過內臟類既菜式，係要多d功夫去處理。而呢度既燒味噌牛腸串就處理得唔錯，冇咩唔好既異味得黎，又唔會完全洗到冇哂味。
牛腸既口感係有偏林又帶有佢原本既咬口，唔會咬極唔爛😃
而且燒牛腸串配上佢地既味噌醬，香濃帶甜味既味噌醬，燒完之後更加濃縮，同牛腸確實係幾夾
無論係前菜定送酒小食麵唔錯👍🏻👍🏻👍🏻
冷胡麻牛油果豆腐沙律🥗
沙律睇落色彩好豐富，料好多
沙律醬係經典日式麻醬，醬既量係預好左夠去配哂成個沙律既份量，唔會唔夠味又唔會浸住哂咁
睇落除左顏色豐富，都幾大份，料又多。沙律菜夠新鮮，牛油夠林
而日式炸豆腐係炸得好到有d surprise。除左皮薄夠酥脆同埋豆腐又滑又軟，日式炸豆腐同其他地方既炸豆腐唔同，皮既酥脆帶有d沙沙地既口感，而呢層炸皮，佢係做得幾outstanding。
醬燒明太醬比目魚丼🐟
一開始睇落明太子醬好似唔多夠咁，但食食下就發覺同沙律個醬既量一樣係恰到好處
比目魚邊，雖然唔係當造，但都準備到比較粗身又有比較幼身既魚邊。而且都幾夠肥美，由其係比較粗身既魚邊，油脂含量會豐富d，有佢地獨特既油香
而佢地既明太子醬，既可以增添到明太子既香味，又唔會蓋過比目魚既魚香
再加上火炙既焦香，成個丼飯係做得唔錯。
跟住再黎就係追加既兩串串燒
因為前面既菜式都做得唔錯，令我地期待跟住黎既串燒係做得幾味
然後佢一上，我地就即刻趁熱一人拎一串食左一啖.....連相都唔記得影，真係太為食啦
所以串燒既相睇落好似好少，其實係正常份量，只係俾我地食左一啖。
一串係燒雞皮，另一串係燒京蔥豚肉串
燒雞皮喺日式串燒黎講，其實係好常見既一款，不過怕唔健康或者唔太鐘意食皮既人通常都唔會叫黎食
而且如果雞皮燒得唔透，係會唔夠脆口香口。呢度既燒雞皮就燒得好香口，即使雞皮係一串疊埋咁串起左，成串都燒到脆卜卜，夠香脆得黎又有雞皮既口感同香味
至於燒京蔥豚肉串就應該係串燒入面既人氣選擇。京蔥面頭燒得微焦，咬落滿口蔥香及焦香，夾雜豚肉肉香，肉質細嫩，醬汁亦係畫龍點睛，咸咸甜甜好惹味👍🏻👍🏻
總括而言，無論氣氛同食物都非常唔錯，另外一提，餐廳服務亦都好好，推介食物之餘都閒談左幾恰，好nice☺️☺️
Post
