麻辣娘子 (新都城中心) (Closed)

好耐冇食過川菜啦，咁岩黎到將軍澳新都城，見到有川菜食，就入左黎一試平日既午市都多人，不過店鋪夠大，好多位坐，好快就安排左位比我。係掃 QR code 落單，落單成功會比張正式單你。揀左個自選湯麵，湯底當然要試酸菜魚湯底啦，自選餸再揀左萵筍，肥腸，嫩牛肉，紅燒肉，一揀就忍唔住愈揀愈多，全部餸都好吸引麵可以揀米線 or 紅薯粉，揀左薯粉。落單唔洗等好耐就上菜，黎到好大碗，超豐富，湯底酸酸地好開胃，大大推薦肥腸同牛肉，好味加配飲品仲有手搖飲品揀，加左個芝士奶蓋炭燒烏龍茶，少甜少冰。飲落好香既奶味，唔會太甜，芝士奶蓋超厚，芝士咸度剛好另外再揀左個蒜泥白肉，怕太辣既我揀左 BB 辣，又真係岩哂我食唔到太辣既人，蒜泥味超香，大大堆蒜泥係 D 豬肉上面，豬肉薄薄地一片配埋蒜泥同香料好開胃，夠高質