616牛肉火鍋專門店 (皇后大道西)

Open Now

Now Closed

今日想打邊爐～ 同朋友揀咗間幾出名又好多分店嘅邊爐店食飯。我同朋友仔去咗位於西營盤嘅616牛肉火鍋專門店。餐廳今期主打信州和牛，我地可以用親民嘅價錢就食到日本長野縣直接運到香港嘅信州和牛！首先湯底方面，我地揀咗鴛鴦麻辣牛骨湯，一邊辣一邊唔辣，任君選擇。麻辣牛骨湯有好多辣椒，辣得嚟又帶點麻味，好惹味。另外，牛骨青湯就清清地，有啲芹菜同牛腩等等嘅配料。信州和牛肩胛牛肩胛好吸引，睇到油花分佈平均，紋理好靚。煮完後牛肉軟淋，入口柔軟，油花豐富。安格斯-橫隔肌安格斯橫隔肌有濃郁的嘅牛肉風味，帶少少脂肪，肉質口感豐富。英國安格斯牛前胸肋牛前胸肋依個部位嘅肉質通常比較柔軟，肉食落多汁同充滿風味。熟成加拿大牛肩脊加拿大牛肩脊肉質軟嫩且味道濃郁。鴨血鴨血煙煙韌韌，放落麻辣湯底非常適合！台式蛋餃蛋皮薄薄一片，好滑，內裏豬肉餡鮮甜。唐生菜我哋都嗌咗唔少蔬菜類，唐生菜有脆脆地嘅口感，又健康又好味。竹笙竹笙吸滿湯底嘅湯汁，仲帶點爽脆嘅口感，非常好味。手打蝦滑蝦滑非常彈牙，好有膠質感。