Video
Read full review
2019-09-28
51 views
朋友最鍾意食日本嘢，今日佢生日特登揀咗一間喺佢公司附近嘅日本餐廳幫佢慶生！單睇門面已經非常有氣派， 入到座位寬敞 裝橫嘅好有日本風味。我哋嗌咗個二人套餐原來而家做緊promote 送咗2個海膽杯。北海道海膽嘅面層係羅蓉同三文魚籽，拖羅蓉同三文魚籽都鮮味十足，北海道海膽入口即溶， 最頂層嘅四季紅 大大提升咗味道層次。頭盤分為咗精緻嘅三小碗，有胡麻豆腐、凍南瓜湯同日本嘅水髮菜。胡麻豆腐入口滑溜溜，最得意嘅係胡麻香味似係已 吸收咗喺豆腐入面而唔係只係外表點咗胡麻醬。凍南瓜湯上嘅蕃茄令到南瓜嘅甜味更突出，感覺有啲似甜品， 凍飲嘅感覺好得意。最後係日本嘅小髮菜， 味道清淡嘅有口感， 作為前菜唔錯！煙燻日本帶子帶子係用核桃木煙燻過, 所以食落去有啲煙燻嘅香味， 配料係微辣嘅 Pepper Sauce 同蕃茄莎莎，味道更有層次。日本金目鯛魚配甘筍汁鯛魚係以半蒸半炸去製作，魚皮炸得甘香脆口， 而魚肉即係嫩滑無比，兩者口感對比強列。配菜嘅紫蘇花花瓣都可以食， 可以為菜式吊味，帶出魚肉嘅鮮味！大蜆配柚子泡沫大廚好巧妙咁用想搞成柚子汁攪成為大蜆作調味， 味道新鮮得意，大蜆口感非常爽口，清新好味。鐵板大蝦配荷
我哋嗌咗個二人套餐
原來而家做緊promote 送咗2個海膽杯。北海道海膽嘅面層係羅蓉同三文魚籽，拖羅蓉同三文魚籽都鮮味十足，北海道海膽入口即溶， 最頂層嘅四季紅 大大提升咗味道層次。
頭盤分為咗精緻嘅三小碗，有胡麻豆腐、凍南瓜湯同日本嘅水髮菜。
胡麻豆腐入口滑溜溜，最得意嘅係胡麻香味似係已 吸收咗喺豆腐入面而唔係只係外表點咗胡麻醬。
凍南瓜湯上嘅蕃茄令到南瓜嘅甜味更突出，感覺有啲似甜品， 凍飲嘅感覺好得意。
最後係日本嘅小髮菜， 味道清淡嘅有口感， 作為前菜唔錯！
煙燻日本帶子
帶子係用核桃木煙燻過, 所以食落去有啲煙燻嘅香味， 配料係微辣嘅 Pepper Sauce 同蕃茄莎莎，味道更有層次。
日本金目鯛魚配甘筍汁
鯛魚係以半蒸半炸去製作，魚皮炸得甘香脆口， 而魚肉即係嫩滑無比，兩者口感對比強列。配菜嘅紫蘇花花瓣都可以食， 可以為菜式吊味，帶出魚肉嘅鮮味！
大蜆配柚子泡沫
大廚好巧妙咁用想搞成柚子汁攪成為大蜆作調味， 味道新鮮得意，大蜆口感非常爽口，清新好味。
鐵板大蝦配荷蘭醬
龍蝦都相當大隻， 廚師好細心咁樣將龍蝦一分為二， 輕輕用叉一急一拉就可以將成隻蝦肉反出， 蝦肉爽口彈牙，加上荷蘭醬汁微酸， 濃味得嚟又唔會感覺好膩！
食完之後店員更悉心地為我地呈上柚子雪葩，等我地清下味蕾品嚐下一味菜式。
美國牛小排
我哋嗌咗五成熟， 牛肉煮得微粉啱啱好，油脂分佈均勻，肉味嫩滑，牛味香濃，旁邊有蒜片、粗鹽、芥末俾我地作調味，我較愛煎得香脆薄片嘅蒜片切成薄片煎得好香脆，非常match又唔會太咸，令人回味無窮。
魚苗高菜蛋炒飯
炒飯粒粒分明，配料雞蛋絲及酸菜，熱辣辣而且唔會話好油。入面嘅炒銀芽椰菜冬菇爽口又濃味。一啖飯一啖熱辣辣嘅麵豉湯， 非當滿足！
最後有個甜品併盤，分別係富良野蜜瓜、白桃啫喱
同埋自家製的朱古力布朗尼，蜜瓜香甜馥郁又多汁：而白桃啫喱滑溜溜甜味適中， 布朗尼蛋糕軟滑香濃朱古力味！
店員菜式同菜式之間都會為我地悉心介紹，服務亦都相當有水準！
Post
