皇后飯店 (Closed)

呢晚約咗朋友響又一城食飯，揀咗呢間好耐冇食過嘅經典餐廳，印象中無論環境同食物質素都唔錯。餐廳環境裝修華麗得來帶少少懷舊感覺， 餐牌有多款set dinner及單點選擇。揀咗個芝士焗龍蝦冋美國肉眼扒套餐各一。晚餐可選擇2-course 或3-course，我哋點咗3-course，已包餐湯、主菜及餐飲。餐湯同餐包依舊好味，羅宋湯少少甜少少酸，入面勁多材料，加埋個熱辣辣嘅餐包，絕對經典。焗田螺配黑松露薯蓉 - 熱辣辣，焗得香口，田螺配黑松露薯蓉，味道好好。煙三文魚沙律 - 沙律入面嘅材料豐富，配埋煙三文魚食，味道好清新，好開胃嘅一個前菜。芝士焗波士頓全隻龍蝦 （3-course: $430）- 分量十足，一睇賣相已經流晒口水。芝士焗得好香，龍蝦大大隻，肉質爽甜，好高質。榖飼美國肉眼扒套餐 （3-course: $368) - 雖然點咗七成熟，但食落肉質好鮮嫩。肉眼扒牛味好濃郁，加埋嗰黑椒汁同埋薯菜食，真係一絕。餐飲簡單叫咗杯熱檸水同凍朱古力，好滿足嘅一餐呀。