Video
Read full review
2023-01-13
50 views
今晚同同事行過位於粉嶺中心附近，見到「米仔燒肉家」，門外見到裝修富有日本色彩嘅餐廳，所以一於對自己好啲，食餐日式燒肉放題獎勵一下自己。服務員態度友善， 送食材速度快，等我哋可以燒多啲嘢食。呢個$268套餐抵食之處，係包含40幾款食材， 包括牛、豬、雞、海鮮、蔬菜、沙律、仲有飯、麵、湯，另外飲品都係飲任，食物質素又幾新鮮。「牛十品」係有十款不同牛部位，可以試過邊款鍾意食之後再無限order，啱晒我呢個‘’牛肉控‘’當中我最鍾意嘅係「肩胛牛肉眼」， 肉味香濃，而我同事就最鍾意「牛脊肉」入口即溶嘅感覺。「豚肉盛盒」有四款豬部位， 食燒肉點可以缺少豬腩肉，當中我最推介嘅係「岩鹽豬腩片」，岩鹽吊出到豬腩片嘅鮮味，包住生菜一齊食，好味又爽脆。「雞肉盛盒」有五款雞部位， 我最推介嘅係「辣味噌雞腿肉」， 辣味噌唔會太辣太咸， 無蓋過雞腿嘅肉味，呢個醃法幾特別，味道亦好好。 另外， 有兩款不同醃法嘅雞頸肉， 燒雞頸肉我都係第一次，感覺好新奇，味道都唔錯。「海鮮盛盒」有四款海鮮， 當中「三文魚鮎」燒後啲油脂出晒嚟，又香又滑，燒多春魚可以燒到脆卜卜送啤酒一流「野菜盛盒」有七款蔬菜， 食咁多肉食啲蔬菜解一解膩
服務員態度友善， 送食材速度快，等我哋可以燒多啲嘢食。
呢個$268套餐抵食之處，係包含40幾款食材， 包括牛、豬、雞、海鮮、蔬菜、沙律、仲有飯、麵、湯，另外飲品都係飲任，食物質素又幾新鮮。
「牛十品」係有十款不同牛部位，可以試過邊款鍾意食之後再無限order，啱晒我呢個‘’牛肉控‘’
當中我最鍾意嘅係「肩胛牛肉眼」， 肉味香濃，而我同事就最鍾意「牛脊肉」入口即溶嘅感覺。
「豚肉盛盒」有四款豬部位， 食燒肉點可以缺少豬腩肉，當中我最推介嘅係「岩鹽豬腩片」，岩鹽吊出到豬腩片嘅鮮味，包住生菜一齊食，好味又爽脆。
「雞肉盛盒」有五款雞部位， 我最推介嘅係「辣味噌雞腿肉」， 辣味噌唔會太辣太咸， 無蓋過雞腿嘅肉味，呢個醃法幾特別，味道亦好好。 另外， 有兩款不同醃法嘅雞頸肉， 燒雞頸肉我都係第一次，感覺好新奇，味道都唔錯。
「海鮮盛盒」有四款海鮮， 當中「三文魚鮎」燒後啲油脂出晒嚟，又香又滑，燒多春魚可以燒到脆卜卜送啤酒一流
「野菜盛盒」有七款蔬菜， 食咁多肉食啲蔬菜解一解膩，非常好嘅安排。 想同大家分享下， 燒菠蘿真係要有耐性，要燒到菠蘿外表微微燒焦先至夠好味。
「冷盤」有四款，我最推介嘅係「海蜇野菜沙律」，海蜇爽脆沙律清新清好味。
「主食」有麵、湯、烏冬、飯，共七款， 我哋試咗個「櫻花蝦香蔥飯」， 咸咸香香唔會太膩，同埋胡麻稻庭冷烏冬。配埋燒肉一齊食一流。
飲品方面，有好多不同種類啲飲品，不得不提嘅係佢哋好細心咁準備咗零酒精嘅啤酒， 最啱我呢啲駕駛人士享用， 食燒肉配啤酒真係必須架， 佢哋咁細微嘅啤酒位都留意到，真係值得大讚。
下次再嚟，我會試埋佢哋個A4日本和牛餐。除咗有任飲任食燒肉餐之外，佢哋仲有燒肉套餐同埋丼飯套餐。啱晒啲細食又唔想食得咁多嘅人士。
Post
