Vision 8

朋友介紹荃灣區有間唔錯嘅西餐，今晚就黎試吓，未上菜首先黎咗麵包先，有3款，每款都熱辣辣，仲有香草牛油配埋，唔錯。粟米忌廉湯都幾多粟米粒，個湯好creamy,好滑。酥炸芝麻雞翼炸得好鬆脆，外脆內嫩，d雞肉仲好juicy。烤焗豬手配酸椰菜份量都幾大，隻豬手好大隻，外皮烤到脆卜卜，食落非常鬆化，而豬手嘅肉都好嫩，好入味，沙律菜拌意大利黑醋汁，好開胃，而d酸椰菜酸酸地，勁開胃解膩。香煎比目魚配菠菜忌廉汁燴天使麵比目魚d魚肉好滑，而外皮煎到好甘香，好味，個醬汁好creamy,好香，天使麵吸收晒d菠菜忌廉汁，好好味。