HIKARI

👍🏻慢煮安格斯牛肩肉蕃茄黑欖闊條麵 $138牛肩肉厚切，肉質粉嫩軟腍，咬落有肉汁😛！脂肪分佈好均勻，食到濃濃既牛脂香味🤤🤤牛肉本身無調味，可以點少少碟邊既玫瑰鹽😛闊條麵厚薄適中，口感唔算煙韌彈牙，但唔會一pat好糊咁蒜味同蕃茄味都好突出，食落唔怕滯，幾開胃😌👍🏻整體份量都幾多，文青cafe黎計好少見到咁多肉🤣成六七舊大大舊既，推薦食肉獸必嗌👹👹！！味道：8/10性價比：8/10-👍🏻黑松露意大利飯 $108每粒飯都均勻地沾上黑松露醬😋黑松露味好突出，夠creamy但唔會太漏飯既濕潤程度啱啱好，咬落唔硬有少少煙韌面頭灑左巴馬火腿脆片同芝士脆片🤪同飯一齊食多左一種鹹香，食落無咁滯👍🏻味道：8/10性價比：8/10-👍🏻蒜片安格斯一口牛 $88肉質少少鞋但唔韌，切得大大粒落左好多炸蒜片，蒜味好重好香🤪雖然橄欖油健康，不過浸住啲牛都有少少油膩🙈配左兩塊黑糖麵包多士，好脆口可以點啲橄欖油同其他配料一齊食😋味道：7/10性價比：7/10-👍🏻鮮奶黑芝麻(跟餐) $27黑芝麻味好濃郁，質感順滑🥰唔會蓋過鮮奶味，飲落都唔怕甜飲到底會再濃啲，最尾直頭好似芝麻糊咁🤣！味道：8/10性價比：9/10-👍🏻鮮