和田便當

Open Now

Now Closed

今日見客所以去左科學園，第一次黎到唔知有咩好食，到左lunch time見到有部外賣機好多人排隊，又好似幾得意，foodcourt其他餐廳又好似唔太吸引，佢又寫明用日本米，好似好高質，就一於試下呢間便當啦～我同同事每人揀左一個set，我揀左三文魚扒飯，同事揀左鴨胸飯～呢度既飲品仲要係日本果d，好多都係香港好少見！三文魚扒好有驚喜，好大件，睇落好吸引，仲好香，一食落去，好惹味！鹽蔥配三文魚呢個配搭第一次試，真係唔錯，燒完魚香更出，魚肉幾滑，估唔到五十蚊左右既飯盒咁高質。之後另一個慢煮鴨胸同事都讚不絕口，佢話個日本山賊燒醬汁好香，同鴨胸好夾，鴨胸味重得黎唔會over，我都試左塊，勁惹味～呢間便當真係有質素，高cp值。蘋果汁同埋橙汁都好好味😋好有日本風味科學園果然high tech d，有個便當機，如果我office果邊都有部又方便又好味既外賣機就好啦！