Ikigai Concepts (Closed)

[ Ikigai Concepts ]之前經過呢間餐廳已經想入去食，佢地齊集各大日本料理元素，包括廚師發辦、炭火燒物、和食、天婦羅、鐵板燒等。最近見到新推出秋祭割引優惠，一人前套餐只需$338😍 有三款套餐選擇：鐵板燒、天婦羅&炭火串燒，今餐order咗其中兩款。每款套餐均附上沙律、 茶碗蒸、味噌湯、漬物&是日甜品。其中茶碗蒸有驚喜，高湯鮮甜，蛋味超香口感滑嫩。✿ 鐵板燒套餐 $338加拿大銀鱈魚 🐟銀鱈魚魚皮煎得超香脆，魚肉肉質細嫩，油脂豐富，另配芝士醬將味道再昇華。美國肉眼薄燒 / 厚燒 (100g) 🥩配時令野菜 個人選擇以薄燒烹調肉眼扒，肉眼肉質幼滑，牛肉味濃郁&多肉汁，配埋炸蒜片更香口。鐵板蒜香和牛櫻花蝦炒飯 🍚未食已聞到陣陣蛋香味，炒飯粒粒分明，夠乾身唔油膩，幾乎每口炒飯都帶有牛味濃郁嘅和牛粒。 ✿ 炭火串燒套餐 $338廚師精選 (8串)🍢8款串燒包括：虎海老黑豚肉紫蘇卷、香草黑豚肉、和牛、日本全隻雞翼、免治雞肉棒、銀杏、海肉醬茄子&車厘子。串燒以正宗日本備長炭烹調，炭燒香氣撲鼻而來。其中虎海老黑豚肉紫蘇卷口感層次豐富；日本全隻雞翼嘅雞皮燒得超香脆，雞肉帶炭燒香味；免治雞