Video
Read full review
2024-06-08
54 views
2024年5月16日 星期四今日難得早咗收工，決定去沙田接老婆放工順便一齊食飯行過好運中心見到差唔多已經全部裝修完，有好多食肆陸續進駐，而呢一間新加坡菜餐廳好似開咗幾個月都仍然有好多人幫襯，咁啱呢個時候冇乜人排隊，裏面仍然有位置，於是就入咗去試下坐低咗再慢慢睇返餐牌，發現除咗散叫之外仲有套餐可以選擇，分為二人同四人餐，價錢都唔算貴，豐儉由人，不過由於我哋怕食唔到咁多嘢，所以最後就淨係散叫等咗大約15分鐘左右，食物就開始陸續送上，首先有馬來炒貴刁，成個鑊仔咁樣送上，賣相好精美，而且上面仲有好多唔同嘅配料，包括蝦仁、花生、洋蔥同臘腸，加埋青檸汁同辣椒粉撈埋一齊食更加惹味，而且河粉炒得好乾身，唔會黐埋一嚿嚿呢個係斑蘭咖央多士，一咬落去就好鬆脆，而且裏面嘅斑蘭味好濃郁，咖央食完感覺唔會好油膩，多士嘅外皮仲脆卜卜添之後有古法脆皮雞卷，咬落去啖啖肉，外皮炸到好有脆口，但係裏面嘅雞肉仍然保持嫩滑，一啲都唔覺得老最後仲有香芒大蝦米紙卷，見到裏面有好多顏色，分別有唔同嘅蔬菜同主角香芒大蝦，口感好豐富，酸酸甜甜幾開胃，冇諗到只係幾個餸我哋兩個人都食到幾飽
今日難得早咗收工，決定去沙田接老婆放工順便一齊食飯
行過好運中心見到差唔多已經全部裝修完，有好多食肆陸續進駐，而呢一間新加坡菜餐廳好似開咗幾個月都仍然有好多人幫襯，咁啱呢個時候冇乜人排隊，裏面仍然有位置，於是就入咗去試下
坐低咗再慢慢睇返餐牌，發現除咗散叫之外仲有套餐可以選擇，分為二人同四人餐，價錢都唔算貴，豐儉由人，不過由於我哋怕食唔到咁多嘢，所以最後就淨係散叫
等咗大約15分鐘左右，食物就開始陸續送上，首先有馬來炒貴刁，成個鑊仔咁樣送上，賣相好精美，而且上面仲有好多唔同嘅配料，包括蝦仁、花生、洋蔥同臘腸，加埋青檸汁同辣椒粉撈埋一齊食更加惹味，而且河粉炒得好乾身，唔會黐埋一嚿嚿
呢個係斑蘭咖央多士，一咬落去就好鬆脆，而且裏面嘅斑蘭味好濃郁，咖央食完感覺唔會好油膩，多士嘅外皮仲脆卜卜添
之後有古法脆皮雞卷，咬落去啖啖肉，外皮炸到好有脆口，但係裏面嘅雞肉仍然保持嫩滑，一啲都唔覺得老
最後仲有香芒大蝦米紙卷，見到裏面有好多顏色，分別有唔同嘅蔬菜同主角香芒大蝦，口感好豐富，酸酸甜甜幾開胃，冇諗到只係幾個餸我哋兩個人都食到幾飽
Post
