圓山飯店 (Under Renovation)

朋友成日話尖咀有間好正既台灣菜，老字號一定要去試下。今日終於有機會，但原來已經改左名係圓山飯店，好彩地址冇變，終於可以慕名而來。佢地個門口係正大街，真係好易搵。上到去原來都幾大，好啱大班朋友一齊去食。坐底侍應勁有禮貌，仲介紹好多好餸比我地。前菜推薦左呢個皮蛋肉鬆豆腐。豆腐切得好靚，皮蛋係超糖心，三樣夾埋一齊食一啲都唔漏，而且味道仲好夾，咁樣食法真係好得意。然後係煎蠔餅，佢唔係一般既蠔餅，佢用既蠔真係好大隻，而且仲炸過，所以特別爽口同冇咁水，蛋身都好厚，但中間仲keep到個層啫喱，好犀利。避風塘炒蟹，真係好耐冇食過咁好肉地既避風塘炒蟹，超足料，食到完全停唔到。睇落普通既回鍋肉，但侍應卻好推介，佢既辣叫人食得幾刺激，但又唔會好嗆，真係好夠火喉。之後甜品叫左豆腐花，薑汁湯圓，同棗溶糕。都係傳統甜品，冇諗到佢都做得好有水準。甜而不膩，食完真係好舒服，超滿足。