GALBI TOWN

Open Now

Now Closed

餐廳內部裝修設計非常現代化，營造出一種時尚且舒適既用餐環境，直接用平板電腦下單非常方便，仲有機械人送上前菜。全部韓牛都係韓國直送冷藏，全國韓牛協會認證 1++8-9 Grade 最高待級。店員會幫忙燒韓牛，服務一流。前菜辣醬蟹非常特別，生蟹肉滑嘟嘟，搭配辣醬既香辣味道，為味蕾帶來享受。醬油蟹用醬油醃製韓國新鮮花蟹，使蟹肉更加鮮美，每一口都能夠品嚐到蟹肉既鮮甜和醬油既香氣，將蟹膏mix埋飯同紫菜一齊食一樣正。調味牛肋骨肉以櫻花蜂蜜為調料醃製，只用昌原特產的櫻花蜂蜜調味，不含一滴白糖或糖稀等，為牛肉帶來了淡淡既甜味。牛肋骨肉質地細膩，帶有微微嚼勁，牛肉味濃郁。韓牛肉眼扒有埋 QR Code，掃一掃就見到牛肉履歷信息，肉眼扒屬 1++等級，口感極為嫩滑，質感輕柔彈牙，帶有濃郁既肉汁。大醬湯餡料有金菇、洋蔥、冬菇、豆腐和牛肉等等，材料豐富，湯底濃郁微辣，牛肉非常鮮美，亦非常下飯。