Delite Long Ping Bistro (Closed)

周圍行，發現這轉角小店，午飯時間，索性入去試下，原來係高質西餐。午巿套餐，90蚊，加一，性價比高！秘製香料炸雞鎚外層雞皮香脆，內層肉質嫩滑，香料味道四溢，極度野味，伴啤酒一流。食一碟唔夠喉，再嗌多咗一碟。手撕豬肉漢堡配薯條神秘香料醃豬肉，配新鮮椰菜，麵包烘烤過，薯條炒得剛剛好，唔會過硬過軟，熱辣辣上枱，誠意可嘉。Lamp Chop師傅廚藝功力，羊架肉質嫩滑，羊味充滿口腔，香滑薯蓉伴碟，牛油味香濃，青豆滿滿薄荷味，配塔一流。