Video
Read full review
2024-06-10
352 views
彌敦道575號出名多嘢食，是晚同朋友嚟咗深宵食堂，主要係想食下日本嘢，同搵個地方可以坐低傾計嘅😊我哋上到嚟，店員就好快安排入座，仲送上qr code落單添，另外仲介紹咗酒水有買一送一優惠，可惜聽朝要開早會就費事買醉啦😅⭐炸芝士圈先來個小食炸芝士圈，外脆內軟又香口，幾好食喎。⭐魷魚大板燒個人鍾意食大阪燒所以叫咗一份，不過呢度個大阪燒賣相同平時圓形一塊唔一樣，已經切好一片片，魷魚同椰菜都下得多，仲有唔少大阪燒醬同蛋黃醬，正喎😋⭐辛辣羊肉串朋友話估唔到居酒屋有羊肉串食，所以試下呢個辛辣羊肉串，燒起上嚟真係好咁香，微微辣好惹味😍⭐厚燒牛舌仲叫咗燒牛舌，牛舌厚切咬落爽口，調味係少少黑椒同埋鹽，燒起上嚟簡單嘅調味更香口。⭐深宵鐵板炒麵+溫泉蛋朋友話佢好餓，所以叫多啲澱粉質嘢食，先嚟一個鐵板炒麵，呢款炒麵經常出現喺日劇同動漫中，鍾意佢甜甜醬汁嘅口味，另外仲叫咗隻溫泉蛋，撈埋啲蛋汁更加正。⭐香蒜和牛粒石窩飯石窩飯上枱時熱辣辣香噴噴，滋滋聲勁吸引喎🤤牛柳粒充滿肉香又嫩滑，拌混咗隻蛋汁都仲有唔少飯焦，口感超正。⭐脆炸厚條大魷魚波波朋友話個名好得意所以叫嚟試下，睇下咩係大魷魚波波😆原來係原隻魷魚拎去炸，香脆
我哋上到嚟，店員就好快安排入座，仲送上qr code落單添，另外仲介紹咗酒水有買一送一優惠，可惜聽朝要開早會就費事買醉啦😅
⭐炸芝士圈先來個小食炸芝士圈，外脆內軟又香口，幾好食喎。
⭐魷魚大板燒個人鍾意食大阪燒所以叫咗一份，不過呢度個大阪燒賣相同平時圓形一塊唔一樣，已經切好一片片，魷魚同椰菜都下得多，仲有唔少大阪燒醬同蛋黃醬，正喎😋
⭐辛辣羊肉串朋友話估唔到居酒屋有羊肉串食，所以試下呢個辛辣羊肉串，燒起上嚟真係好咁香，微微辣好惹味😍
⭐厚燒牛舌仲叫咗燒牛舌，牛舌厚切咬落爽口，調味係少少黑椒同埋鹽，燒起上嚟簡單嘅調味更香口。
⭐深宵鐵板炒麵+溫泉蛋朋友話佢好餓，所以叫多啲澱粉質嘢食，先嚟一個鐵板炒麵，呢款炒麵經常出現喺日劇同動漫中，鍾意佢甜甜醬汁嘅口味，另外仲叫咗隻溫泉蛋，撈埋啲蛋汁更加正。
⭐香蒜和牛粒石窩飯石窩飯上枱時熱辣辣香噴噴，滋滋聲勁吸引喎🤤牛柳粒充滿肉香又嫩滑，拌混咗隻蛋汁都仲有唔少飯焦，口感超正。
⭐脆炸厚條大魷魚波波朋友話個名好得意所以叫嚟試下，睇下咩係大魷魚波波😆原來係原隻魷魚拎去炸，香脆有咬口，賣相吸睛又好味。
⭐烏龍茶 & ⭐菊花茶朋友話唔想飲酒，咁就叫咗烏龍茶同菊花茶，冰冰涼涼配炸物一流。
⭐水信玄餅最後仲有甜品，充滿和風感嘅水信玄餅，清澈透明嘅水波配上黃豆粉同黑糖醬，又靚又好食😍
食物高質好食，店內氣氛輕鬆又好坐，係食嘢飲嘢吹水傾偈嘅好地方👍
Post
