Video
Read full review
2024-08-16
556 views
今日喺炮台山放工約埋另一半一齊去食飯行過電器道見到一間應該係新開冇耐嘅餐廳叫遇見花蓮，應該係食台灣菜而且仲有下午茶menu📑見到都啱食，就入去食啦入到去由侍應帶位被安排坐到卡位用手機掃QR code 落單📲下午茶時間，價錢平均平一截✨泡菜豚肉豆腐鍋🍲要小辣，自選粉麵要粉絲上菜時有個gas 爐熱住個鍋🔥入面大部分食材都係生的要等個湯滾起先食得個鍋好大兜，入面有好多野食先有四塊豚肉，唔多肥膏🐽🥩有蜂巢豆腐，蛋餃，泡菜，蕃茄等等，好多野食🍅🥚🥟個湯酸酸甜甜，叫咗小辣又唔會辣到入唔到口🌶️粉絲放入湯度好快熟仲好掛湯，連埋啲湯一齊食真係幾好食兩個人食呢個鍋，都飽咗一半✨鹽酥雞滷肉飯配紫菌貢丸湯加台灣香腸🐔滷肉飯係正宗台灣個隻🍚半肥瘦肉，食落有咬口之餘又有少少肥膏嘅油香撈埋啲飯食真係惹味鹽酥雞炸得好香👍🏻舊舊都係肉，唔會全部係肥膏紫菜湯飲落清甜，唔會好鹹🥣台灣腸有生蒜粒襯托撈埋一齊食原來會提升咗台灣腸嘅味道，好食咗👍🏻✨大腸貢丸麵線配淡水滷肉刈包🍞麵線粗幼適中，跟台灣正宗麵線一樣湯底好黏，麵線剛好掛湯入味🍜而且大腸有用滷水醃過，食落有陣陣滷水味滷水刈包軟熟，係新鮮焗起的涵料充足，滷肉都係半肥瘦油香配
約埋另一半一齊去食飯
行過電器道見到一間應該係新開冇耐嘅餐廳
叫遇見花蓮，應該係食台灣菜
而且仲有下午茶menu📑
見到都啱食，就入去食啦
入到去由侍應帶位
被安排坐到卡位
用手機掃QR code 落單📲
下午茶時間，價錢平均平一截
✨泡菜豚肉豆腐鍋🍲
要小辣，自選粉麵要粉絲
上菜時有個gas 爐熱住個鍋🔥
入面大部分食材都係生的
要等個湯滾起先食得
個鍋好大兜，入面有好多野食
先有四塊豚肉，唔多肥膏🐽🥩
有蜂巢豆腐，蛋餃，泡菜，蕃茄等等，好多野食🍅🥚🥟
個湯酸酸甜甜，叫咗小辣又唔會辣到入唔到口🌶️
粉絲放入湯度好快熟
仲好掛湯，連埋啲湯一齊食真係幾好食
兩個人食呢個鍋，都飽咗一半
✨鹽酥雞滷肉飯配紫菌貢丸湯加台灣香腸🐔
滷肉飯係正宗台灣個隻🍚
半肥瘦肉，食落有咬口之餘又有少少肥膏嘅油香
撈埋啲飯食真係惹味
鹽酥雞炸得好香👍🏻
舊舊都係肉，唔會全部係肥膏
紫菜湯飲落清甜，唔會好鹹🥣
台灣腸有生蒜粒襯托
撈埋一齊食原來會提升咗台灣腸嘅味道，好食咗👍🏻
✨大腸貢丸麵線配淡水滷肉刈包🍞
麵線粗幼適中，跟台灣正宗麵線一樣
湯底好黏，麵線剛好掛湯入味🍜
而且大腸有用滷水醃過，食落有陣陣滷水味
滷水刈包軟熟，係新鮮焗起的
涵料充足，滷肉都係半肥瘦
油香配埋塊刈包一齊食，減少咗油膩感
我哋兩個人叫咗三個茶餐🧋🧋🧋
每個餐都包一杯飲品
✨台灣奶茶🧋🧊
要求少甜，飲落真係冇咁甜
茶底飲落有濃香茶味
✨冷泡烏龍茶，冷泡阿里山綠茶🍵🍵
兩枝茶正常發揮
茶味甘香，食完飯有茶沖淡返個口
但飲唔哂，要攞走
餐廳環境乾淨企理
通風冷氣都好足夠💨💨
唔會話食個小鍋對住個gas 爐會出哂汗
而且侍應態度親切有禮👍🏻
上菜時會提醒我哋要小心唔好辣到個爐頭
亦會根據食客所點嘅食物去放返喺食客面前
唔會好似茶餐廳咁推銀機式放食物
呢個位抵讚👍🏻👍🏻
而且餐廳全天候冇收加一
星期六日都有下午茶時段🤟🏻
值得加分
會繼續幫襯🥳
Post
