Burger Home (Closed)

平時食得多碟頭飯，間中都想轉下口味食其他野，漢堡係一個唔錯選擇。呢間漢堡飽店鋪面唔算大，午飯時間好多人好快坐滿。由於即叫即做，落完單要等一陣先有得食。今次叫左蘑菇牛肉漢堡，大大個漢堡連粗薯條熱辣辣上枱，賣相好吸引，一啲都唔馬虎。薯條夠脆，而且調味岩岩好，唔會過咸，食到停唔到口。擘大口一啖咬落漢堡好滿足，麵包鬆軟，菇味雖不太重但勝在中間塊牛肉好厚，食落有肉汁，真材實料，新鮮生菜同蕃茄中和左油膩感，好好味，值得推介！