Video
Read full review
2019-03-12
46 views
之前睇雜誌介紹棉登徑開左間特色酒吧，今日同朋友要傾下旅行既行程，一於黎呢度試試餐廳位於地庫，要行樓梯先落到去，記得間餐廳其中一個主題係英倫既地鐵，呢條樓梯既裝修就彷如客人行落去月台搭地鐵咁，淨係條樓梯影相已經超呃like 行到落樓下就好似行到落月台咁，四周圍都係畫左地鐵月台環境既壁畫，不過職員冇安排到我地坐呢邊係職員帶位既途中見到呢度有Beer Bong玩，隔壁果張枱好似係飛行棋黎之後就去到一個好似大宅裝修既大廳，又係打卡呃like既時候啦，座位都係以梳化為主，坐得非常舒服，由於梳化都比較重，職員仲好細心幫我地移開梳化比我地坐坐低之後職員會比Ipad 我地點餐，呢度酒類既選擇都十分多，除此之外仲有一d配酒既輕食首先就叫左呢個蟹肉燒賣，賣相超靚，蟹肉上面加左三文魚子， 魚子醬同金箔，感覺超矜貴，食落去啖啖蟹肉，包住蟹肉果皮脆卜卜，有啲似食緊春卷，有特色又好味去完洗手間返嚟見到呢個杯， 離遠睇以為係自己叫杯嘢飲嚟咗，坐低睇真啲先知道係頭先叫既香辣海膽汁配三文魚子豉油漬及闊條墨魚個醬汁好香海膽味，微微辣，令到醬汁味道又多左一個層次，配埋三文魚子黎食，口感特別，味道好夾，魷魚配左海膽汁又係好好
餐廳位於地庫，要行樓梯先落到去，記得間餐廳其中一個主題係英倫既地鐵，呢條樓梯既裝修就彷如客人行落去月台搭地鐵咁，淨係條樓梯影相已經超呃like
行到落樓下就好似行到落月台咁，四周圍都係畫左地鐵月台環境既壁畫，不過職員冇安排到我地坐呢邊
係職員帶位既途中見到呢度有Beer Bong玩，隔壁果張枱好似係飛行棋黎
之後就去到一個好似大宅裝修既大廳，又係打卡呃like既時候啦，座位都係以梳化為主，坐得非常舒服，由於梳化都比較重，職員仲好細心幫我地移開梳化比我地坐
坐低之後職員會比Ipad 我地點餐，呢度酒類既選擇都十分多，除此之外仲有一d配酒既輕食
首先就叫左呢個蟹肉燒賣，賣相超靚，蟹肉上面加左三文魚子， 魚子醬同金箔，感覺超矜貴，食落去啖啖蟹肉，包住蟹肉果皮脆卜卜，有啲似食緊春卷，有特色又好味
自家製蟹肉脆燒賣
$88
19 views
0 likes
0 comments
去完洗手間返嚟見到呢個杯， 離遠睇以為係自己叫杯嘢飲嚟咗，坐低睇真啲先知道係頭先叫既香辣海膽汁配三文魚子豉油漬及闊條墨魚
香辣海膽汁配三文魚子豉油漬及闊條墨魚
$98
1 views
0 likes
0 comments
個醬汁好香海膽味，微微辣，令到醬汁味道又多左一個層次，配埋三文魚子黎食，口感特別，味道好夾，魷魚配左海膽汁又係好好味
香辣海膽汁配三文魚子豉油漬及闊條墨魚
$98
1 views
0 likes
0 comments
跟住就係呢個黑毛豬楠意大利飯，厚切既黑毛豬腩個皮燒到好脆，個豬腩食落去一d都唔膩
一向食開既意大利飯都係用忌廉去煮，但呢個味道有d特別，佢係用左蝶豆花同菠蘿干邑，食落去有少少甜，第一次食甜既意大利飯，味道又出奇地好食
燒西班牙黑毛豬藍配碟豆花菠蘿乾邑意大利飯
$188
9 views
0 likes
0 comments
飲品我地叫左特式既crocktail, Gold Smoke
職員係倒出黎之前會打開個蓋俾我哋試一試聞果d煙，佢介紹d係用新鮮rosemary 煙燻出黎，仲會有rum酒同橙酒，酒精濃度大概40度，可以因應自己嘅口味而落幾多酒，飲落去的確好香煙熏味，仲有蘋果汁既甜味，的確好特別
Gold Smoke
$78
4 views
0 likes
0 comments
Lychee cocktail 味道都唔錯，薄荷同荔枝味好香，仲有幾粒荔枝果肉，飲啖酒再食粒果肉，真係唔錯
Lychee cocktails
$98
5 views
0 likes
0 comments
我哋叫咗個乾邑啫喱做甜品，杯頂有啲燕麥碎，起初以為菱形嗰啲係餅乾，原來係朱古力，再加一層有椰絲嘅cream，個底就係菠蘿乾邑啫喱，啫喱好香菠蘿味，除咗菠蘿味之外仲有少少芝士味，感覺真係好特別，係菠蘿啫喱裏面有帶啲cheese cake嘅味道，我一個人食哂成杯😂
法式乾邑啫喱
$78
7 views
0 likes
0 comments
呢間餐廳確實10分高質，裝修特別之餘，食物及飲品特別得黎又有返咁上下質素，發掘到一個好地方！
Post
