嵐月 (AIRSIDE)

Open Now

Now Closed

Airside開咗咁耐都冇去食過飯，今晚約咗閨蜜食飯，搵間坐得舒服啲嘅餐廳。嵐月裝修非常雅致，座位同座位之間空間感十足，啱晒大家食飯傾偈。呢度嘅價錢唔算好平，不過食物擺盤精緻，材料高質，服務又好，絕對係值回票價👍 如果啱食嘅話，套餐其實真係好抵。我哋今晚食咗幾樣嘢味道都非常唔錯，咖啡燻20日初鴿好有特色，一上枱已經聞到煙燻咖啡豆嘅味道，配上細細隻嘅初鴿，炸得皮脆肉嫩，真係好好食，一人一隻好滋味😋蘋果木燻泰安雞係必食推介，侍應一拎起個罩已經聞到好香嘅蘋果木味道，泰安雞煮得剛剛好，入味、雞肉嫩滑、雞皮爽口，充滿茶燻嘅香味，旁邊仲有啲烘脆咗嘅茶葉，配埋一齊食口感更加豐富。嵐月小炒王亦都有特色，味道少少辣，幾惹味，材料豐富，最特別係有炸脆咗嘅芋絲同埋瀨尿蝦乾，呢碟餸用嚟送飯一流！我哋冇嗌飯，叫咗炒新竹米雪場蟹炒桂花，米粉炒得利落乾身，食起上嚟一啲都唔油膩，配埋芽菜同埋少少芹菜增加口感，呢個主食我哋都好鍾意。呢度仲有唔少特色甜品，不過我哋今次就食唔落啦，下次再品嚐。