泰昇 (Closed)

泰式鳳爪整體味道幾好，除左有一定份量鳳爪，配料亦非常多，特別洋蔥吸哂味，好香口。泰式蝦餅大推泰式蝦餅！！！好厚身，而且食落好彈牙爽口。最緊要，炸既時間岩岩好，所以蝦餅食落唔會油膩。辣肉碎炒飯辣肉碎炒得好香口，配埋白飯食一流。串燒串燒味道不錯，唔同其他鋪頭，依到唔會用好多既調味料去餣肉，所以食既時候，食到燒過既香味，亦食到肉本身既味道。青檸梳打+8蚊一杯既青檸梳打都幾抵飲。同埋都好解辣。整體：好推薦依間餐廳，係到可以用平價食到正宗泰國菜。