鮨玥 (Closed)

老公知道我喜歡食日本菜，今晚帶咗我去西灣河鮨玥食晚餐，鮨玥位於蘇豪東鯉景灣近海旁，店面寬敞，以木色為主調，簡約日式風格，餐廳大部份食材來自日本豐州市場，新鮮又高質。北海丼：有多款不同刺身，用料新鮮，賣相矜貴已經贏晒！海膽顏色好靚，非常香甜，鮑魚彈牙，又有大大隻牡丹蝦，最估唔到，竟然用咗多塊不同刺身砌成一朵花，襯托得非常美麗精緻，令成個丼飯再昇華。鱈魚干：香脆鮮甜。唐揚日本池魚苗：火候控制得非常好，炸粉唔會太厚，食到魚苗本身嘅味道，魚肉亦唔會太乾身。生燒白鱔：燒得非常之有技巧，魚皮香脆，肉質亦都到好彈牙。