Tapa Room (宏利廣場)

Open Now

Now Closed

老友約左我黎呢間位於觀塘道，宏利廣場轉角的Tapa Room食晚餐。除左主菜外，仲有很多特色小食，咁我地就叫番2杯飲品慢慢嘆囉。Red & White Sangria各一杯，內有多樣生果，清新醒胃，送小食非常之捧啊☺️。西班牙薯仔蛋餅🥞，一切開蛋餅，即有蛋汁流出，仲有軟淋的薯仔粒🥔，外面舖上沙律醬，食落蛋味香濃，熱辣辣的好好味😋。莫希托羊肉串，肉質柔軟夠晒惹味，送酒一流👍。檸汁白酒🍶煮蜆，大量洋蔥粒鋪面，蜆肉新鮮無沙，粒粒肥嘟嘟，咬落肉質爽口，湯汁清甜，好快比我地清晒☺️。血橙燒牛柳沙律🥗，牛柳肥瘦適中，沙律很新鮮，點埋附上的醬汁，食落很開胃啊！西班牙海鮮鍋飯，海鮮有鮮味彈牙的大蝦🍤3隻，周圍鋪上大蜆，同樣飽滿新鮮，鍋飯粒粒分明，份量2人食用剛剛好☺️。食物質素高選擇多，唔怪得未夠7點己坐滿客人啦🤓。