稻田食堂

Open Now

Now Closed

高質街坊日式食堂真係估唔到，喺後街後邊嘅後街 唔係好起眼嘅街坊日式小店，水準可以媲美大商場嗰啲連鎖倒模公式日本菜。佢好多街坊幫襯，一睇就知道係街坊look，佢哋一坐低就知道要食乜嘢，啲枱不停咁轉，喺呢個時勢嚟講佢生意真係好。地方雖然唔大，乾淨企理，枱枱凳凳四平八穩，座位上算spacey，用餐體驗都唔錯。咖喱豬扒炆牛腩咖喱魚生便當。呢個大雜燴真係一次過試晒佢啲拿手好戲。所有嘢都喜出望外，特別係啲刺身好新鮮，入口彈牙。咖喱豬扒炸得鬆脆，又唔膩。豬頸肉蕃茄湯底烏冬。蕃茄湯底好清甜，真材實料蕃茄熬底，豬頸肉燒得香口爽脆。試咗佢少少壽司。街坊小店都有咁嘅水準真係喜出望外。