Madison's (MegaBox) (Closed)

九龍灣MegaBox真係好多家品店，我同朋友去左睇傢俬，之後去Madison's 食Lunch，Madison's 餐廳環境唔錯，座位好闊落，令人坐得好舒服，而且服務態度超好，每次上菜都會好有禮貌打招呼，上菜速度都好快，又會主動幫忙加水。我地叫左7號餐煙腩片芝士牛肉漢堡配蜜糖芥茉醬和13號餐炭燒紐西蘭肉眼扒，薯菜配燒汁。餐前的黑芝麻餐飽都幾好味，芝士牛肉漢堡塊牛肉好多汁，同蜜糖芥茉醬好夾，配菜係粗薯條，成個餐份量偏小但好味。炭燒紐西蘭肉眼扒，配菜有薯蓉，紅蘿蔔粒和黄椒。塊肉眼扒好厚好多汁，口感一流，都幾大塊，非常好味！唯一有啲失策係以為跟餐有朱古力飲，原來朱古力係要加$18 ，但啲字太細睇唔清楚，埋單先知道。