雲壽司 (Closed)

雲壽司由港島開到入九龍，以性價比高壽司為主打，今次初訪食物質素都幾驚艷😍Omakase3個價位中揀左中間既「雲」，刺身、壽司、手卷全部都好新鮮！4款刺身象拔蚌、水八爪魚、深海池魚同大拖羅。海鮮處理得新鮮俐落，拖羅肥美不在話下，其他刺身都好新鮮，配搭好balanced。尤其係水八爪魚，彈牙口感比較少食到，但一樣咁鮮味！7件壽司每款都好對口味：白蝦：清新冇多餘調味活北寄貝：口感較為煙韌伊佐木：口感較爽，鮮味十足金目鯛：輕輕火炙之後魚油香味撲鼻海膽：新鮮冇腥味沙甸魚：魚香比較濃郁吞拿魚腦天：較為稀有部位、油香滿溢最後以蔥吞拿魚腩手卷同麵豉湯結尾，整體黎講材料新鮮刀工唔錯，下次可以試埋單點！