九五至尊火鍋狗毛

Open Now

Now Closed

日前好鍾意打邊爐嘅帶我去左尖沙咀寶勒巷嘅「九五之尊狗毛」，整體用餐體驗好好，值得推介。餐廳裝修精緻，用餐環境舒服，店員亦好nice。Like佢地社交平台的話，就可以享受湯底優惠，蕃茄薯仔湯底、冬陰功湯底、麻辣湯底、同埋胡椒豬肚湯底都免費，而且可以鴛鴦鍋！我地當晚就選擇左前兩者。呢間餐廳嘅湯底好香，而且味道好好！牛肉同海鮮係打邊爐必備嘅，而當晚我地點左本地手切牛非常正，牛味爆棚，口感一流！海鮮拼盤好大盤，有齊鮑魚、大蝦、龍蝦同蜆，超豐富呀！特別一讚係隻澳洲龍蝦好鮮甜，而且啖啖肉！手打蝦丸好爽口，裡面真啖啖蝦肉，高分之作！飲品選擇頗多，日本生啤仲做緊優惠，但我地覺得打邊爐飲可樂超爽，所以叫左coke zero。