Video
Read full review
2024-03-22
32 views
想同朋友傾偈嘅話，居酒屋不失為一個好選擇，有好多佐酒小菜可以選擇，坐耐少少都冇問題！呢間樓上居酒屋裝修有情調，菜式嘅選擇幾多，仲有fusion菜式，幾特別夠新穎，而且性價比幾高，可以一次過試多幾款！餐廳仲有包間，如果一大班朋友聚餐，可以自己包一間房，私隱度都幾強！------------------------------🍥◖蟹膏豆腐鱈魚乾◗ $58有四小塊鱈魚乾，上面放上芝士豆腐同蟹膏，食到鮮味嘅同時，芝士嘅奶香都好出！🐟◖燒油甘魚鮫◗ $98呢個價錢食到油甘魚鮫真係好抵！外皮燒得燶燶哋夠脆，裏面嘅魚肉唔會乾柴，鮮味十足！🍘◖芝士年糕◗ $38一碟有兩嚿，外層脆卜卜，裏面暖笠笠口感好軟糯，好食！🦐◖究極海鮮杯◗ $98 分咗好多層，先食到面頭甘甜嘅海膽同魚子醬，下面有滿滿嘅吞拿魚蓉同蟹肉，配合埋底層酸酸甜甜嘅柑橘啫喱，食落又幾清爽幾得意🦐◖韓式辣醬生赤蝦丼◗ $138性價比好高嘅一個丼飯，有八大隻赤蝦，每隻都好肥美，加上韓式辣醬醃製，口感好黏糯甜甜辣辣咁，呢個日韓fusion嘅組合都幾特別🍙◖醬燒三文魚炸蝦卷◗ $58輕微燒過嘅三文魚，帶有豐富嘅魚油香，用上赤醋飯包裹炸蝦，食落又香口
------------------------------
🍥◖蟹膏豆腐鱈魚乾◗ $58
有四小塊鱈魚乾，上面放上芝士豆腐同蟹膏，食到鮮味嘅同時，芝士嘅奶香都好出！
🐟◖燒油甘魚鮫◗ $98
呢個價錢食到油甘魚鮫真係好抵！外皮燒得燶燶哋夠脆，裏面嘅魚肉唔會乾柴，鮮味十足！
🍘◖芝士年糕◗ $38
一碟有兩嚿，外層脆卜卜，裏面暖笠笠口感好軟糯，好食！
🦐◖究極海鮮杯◗ $98
分咗好多層，先食到面頭甘甜嘅海膽同魚子醬，下面有滿滿嘅吞拿魚蓉同蟹肉，配合埋底層酸酸甜甜嘅柑橘啫喱，食落又幾清爽幾得意
🦐◖韓式辣醬生赤蝦丼◗ $138
性價比好高嘅一個丼飯，有八大隻赤蝦，每隻都好肥美，加上韓式辣醬醃製，口感好黏糯甜甜辣辣咁，呢個日韓fusion嘅組合都幾特別
🍙◖醬燒三文魚炸蝦卷◗ $58
輕微燒過嘅三文魚，帶有豐富嘅魚油香，用上赤醋飯包裹炸蝦，食落又香口感又脆！
🍣◖壽司◗ $12起
手握壽司$12起有一件，叫咗魚子醬赤蝦（$18）、帆立貝（$18）、原條海鰻（$22）試一試佢！帆立貝幾爽脆鮮甜，原條海鰻都好抵食，真係超大條，口感好軟綿！
🌟 Encore指數：9/10
Post
