Video
Read full review
2020-11-06
1522 views
屯門何福堂附近呢間小店真係不得了！佢哋主打雞髀，以前淨係開夜晚，而家改咗中午12:30開，屯門牛買lunch又多個選擇！😋 A1餐：雞髀+燒汁炒烏冬 $62😋 雞髀+脆薯角+是日飲品 $42😋 雞髀（單叫） $32😋 香芋蕃薯波 4粒 $12以上係喺很得輝落單嘅幾款叫法，一次過示範畀大家睇🤪 雞髀可以喺滷水、沙薑同炸髀三款之中任揀，全部都係即叫即整，小店人手有限，所以可能要等耐啲。呢度嘅雞髀好大隻！未食落口淨係睇都好滿足😬 啲雞髀肉嫩滑得嚟又唔算好嫩滑，但好厚肉又唔乾身，啖啖肉汁！三隻雞髀之中，喺大眾心目中最出名應該係炸髀，炸髀嘅皮加咗幾多麵包糠，炸粉反而少，所以拎到返去先食甚至凍咗都仲好脆身😗 如果想無咁熱氣就可以試滷水或者沙薑，呢兩款因為無炸過，所以肉汁會更加豐富。個人覺得沙薑係三款之中最正，沙薑味好入味但唔太鹹，更加突顯出隻雞髀本身嘅鮮味😝 而滷水呢，一聞就覺得好大陣八角味，第一啖食落有啲鹹，但只要慢慢代入個角色去食，陣鹹中帶甜嘅滷水味又同隻雞髀幾夾！最正係拎到返去先食但都無浸到隻雞髀腍晒～燒汁炒烏冬無乜特別，好入味又唔太鹹，如果lunch嚟食叫份烏冬都飽肚啲🤓 脆薯角雖然話就話
😋 A1餐：雞髀+燒汁炒烏冬 $62
😋 雞髀+脆薯角+是日飲品 $42
😋 雞髀（單叫） $32
😋 香芋蕃薯波 4粒 $12
以上係喺很得輝落單嘅幾款叫法，一次過示範畀大家睇🤪 雞髀可以喺滷水、沙薑同炸髀三款之中任揀，全部都係即叫即整，小店人手有限，所以可能要等耐啲。
呢度嘅雞髀好大隻！未食落口淨係睇都好滿足😬 啲雞髀肉嫩滑得嚟又唔算好嫩滑，但好厚肉又唔乾身，啖啖肉汁！
三隻雞髀之中，喺大眾心目中最出名應該係炸髀，炸髀嘅皮加咗幾多麵包糠，炸粉反而少，所以拎到返去先食甚至凍咗都仲好脆身😗 如果想無咁熱氣就可以試滷水或者沙薑，呢兩款因為無炸過，所以肉汁會更加豐富。個人覺得沙薑係三款之中最正，沙薑味好入味但唔太鹹，更加突顯出隻雞髀本身嘅鮮味😝 而滷水呢，一聞就覺得好大陣八角味，第一啖食落有啲鹹，但只要慢慢代入個角色去食，陣鹹中帶甜嘅滷水味又同隻雞髀幾夾！最正係拎到返去先食但都無浸到隻雞髀腍晒～
燒汁炒烏冬無乜特別，好入味又唔太鹹，如果lunch嚟食叫份烏冬都飽肚啲🤓 脆薯角雖然話就話係細份，但都幾夠食！每件脆薯角都好大件，不過外賣嘅話就要諗諗，因為拎到返去啲薯角s會痴埋一嚿，加上佢哋直接唧啲茄汁落去，啲薯角就索晒汁同淋咗少少😔 香芋蕃薯波返到去都仲係脆，外脆內軟，味道甜甜的，中間芋頭蓉部分係足料嘅，即係唔係啲搵笨空心波，抵讚🤩
香芋蕃薯波
$12
91 views
0 likes
0 comments
如果叫42蚊嗰個餐，會跟一杯500ml嘅是日飲品，今次呢杯係低糖綠茶，食炸嘢嘅時候有杯清清哋嘅飲品中和返都唔錯😁
Post
