Video
Read full review
2019-05-12
35 views
由於上次食完鐵板燒之後就念念不忘，所以今次就帶男朋友去食餐好因為落大雨嘅關係，所以餐廳都唔太多人，計埋我地只有3枱，我地就被安排坐係吧枱前面，可以望著廚師煮野食其實我係唔食得貝殼類海產，但係上次受唔住誘惑，又無男朋友嘅規管下，就偷食咗鮑魚同帶子，搞到敏感又番發，所以今次同男朋友黎食，只好望住佢一個人食曬嗰隻手掌咁大嘅鮑魚..... 新鮮仲係生嘅鮑魚，放咗係鐵板丄面，會不停郁動，可能係有殘忍，不過相信味道一定好好。廚師話因為隻鮑魚比較大隻，所以分咗三份，用唔同嘅調味料去煎煮。第一份係簡單用鹽同胡椒調味嘅鮑魚薄片，第二份就加入咗醬油嘅鮑魚薄片，最後就係鮑魚咀同尾配鮑魚肝醬。我就無得食喇，不過都係問下男朋友嘅食評，佢話鮑魚薄片好彈牙，似係八爪魚嘅口感，味道幾鮮甜，而鮑魚咀嘅質感就嫩得黎帶點嚼口，配濃烈嘅鮑魚肝醬都好惹，但係要小心唔好點太多，如果唔係就會太濃，搶過咗鮑魚原有嘅鮮味廚師見到我只可以「望鮑魚止肚餓」，佢就先整咗個魚料理 — 白甘鯛，可能我好肚餓，刹那間呢道菜就煮好喇!!魚塊上面有煎得香脆嘅魚鱗，輕輕用筷子一按魚鱗，會聽到清脆又開胃口嘅聲音，令人流曬口水~ 白甘鯛嘅肉質好嫩，因為佢係
因為落大雨嘅關係，所以餐廳都唔太多人，計埋我地只有3枱，我地就被安排坐係吧枱前面，可以望著廚師煮野食
其實我係唔食得貝殼類海產，但係上次受唔住誘惑，又無男朋友嘅規管下，就偷食咗鮑魚同帶子，搞到敏感又番發，所以今次同男朋友黎食，只好望住佢一個人食曬嗰隻手掌咁大嘅鮑魚.....
3 views
0 likes
0 comments
8 views
0 likes
0 comments
9 views
0 likes
0 comments
新鮮仲係生嘅鮑魚，放咗係鐵板丄面，會不停郁動，可能係有殘忍，不過相信味道一定好好。廚師話因為隻鮑魚比較大隻，所以分咗三份，用唔同嘅調味料去煎煮。第一份係簡單用鹽同胡椒調味嘅鮑魚薄片，第二份就加入咗醬油嘅鮑魚薄片，最後就係鮑魚咀同尾配鮑魚肝醬。我就無得食喇，不過都係問下男朋友嘅食評，佢話鮑魚薄片好彈牙，似係八爪魚嘅口感，味道幾鮮甜，而鮑魚咀嘅質感就嫩得黎帶點嚼口，配濃烈嘅鮑魚肝醬都好惹，但係要小心唔好點太多，如果唔係就會太濃，搶過咗鮑魚原有嘅鮮味
12 views
0 likes
0 comments
廚師見到我只可以「望鮑魚止肚餓」，佢就先整咗個魚料理 — 白甘鯛，可能我好肚餓，刹那間呢道菜就煮好喇!!魚塊上面有煎得香脆嘅魚鱗，輕輕用筷子一按魚鱗，會聽到清脆又開胃口嘅聲音，令人流曬口水~ 白甘鯛嘅肉質好嫩，因為佢係濕煎嘅，所以唔會覺到又乾又粗糙，底部仲配上黑松露白汁，淡淡松露香同魚嘅鮮味好配搭
2 views
0 likes
0 comments
當我品嚐緊條魚嘅時候，廚師都無偷懶，即刻準備下一道菜式，第二樣無得食嘅就係帆立貝，厚身頗大粒嘅帶子，表面煎到微微焦香，中間就仲係半熟狀態，廚師將佢一分為二之後，就將佢地放入有載有紫菜魚湯嘅貝殻上面，之後再細心咁放上三文魚子，最後就連殻放上碟俾我地食。男朋友話呢個帶子真係無得頂，半熟嘅口感真係好正，而紫菜魚湯嘅味道好鮮甜，令人不停係咁飲
42 views
0 likes
0 comments
食帶子好巴閉咩，我都有得食煎鵝肝啦!!大大件嘅鵝肝，沾上麵粉，唔洗加入牛油煎都得，因為本身會有好多嘅鵝油，一路煎就一路流出黎，而太多油會令口感變得油膩，所以廚師都會將過多嘅鵝油倒咗去，跟住再煎香兩片麵包，將兩者合併食鵝肝多士。麵包香脆嘅口感，同鵝肝多汁滑溜嘅口感好配搭，雖然少不免會有油膩嘅質感，但係佢嘅味道絶對可以抵擋到佢嘅油膩
16 views
0 likes
0 comments
唔知係咪廚師驚我唔飽，佢整咗一人一份嘅焦糖多士，望到佢金黃色嘅外表，我忍唔到口食曬成份，牛油配麵包本身已經係天作之合，但係加埋第三者砂糖，真係味道更上一層樓，麵包表面有一層焦糖薄脆，咬落脆口，食完即上癮
21 views
0 likes
0 comments
終於到咗我摯愛嘅肉肉喇!! 和牛可以揀厚切定薄切，以我嘅性格，當然係厚切啖啖肉爽啲啦，厚嘅和牛係粒上嘅，骰仔般嘅大小，入口有牛香，質感可以再嫩口啲，不過本身都好高質素
12 views
0 likes
0 comments
除咗和牛之外，仲揀咗黑毛豬肉，果然黑毛豬係無得比，好多肉汁之餘，仲有濃香肉味，齒頰留香
5 views
0 likes
0 comments
食到咁上下已經幾飽，因為都食咗唔少多士，但係仲有大佬都未出場－炒烏冬!!!蛋炒飯係幾爽嘅，可惜加入咗櫻花蝦，所以我地揀咗烏冬，烏冬加入咗蔬菜絲、香菇同甜醬油，雖然幾簡單，但係味道幾惹味
5 views
0 likes
0 comments
係廚師炒緊烏冬嘅時候，另外上咗個魚湯，見佢奶白色，係咪以為佢係加咗奶或者忌廉，其實佢只係用咗魚、紫菜同香菇熬煮，只係魚脂令到湯色變白，飲落好鮮甜，一啲腥同過鹹嘅味道都無，超好飲
4 views
0 likes
0 comments
最後到甜品，有得揀奶凍或者雪糕，奶凍係餐廳用3.6北海道牛乳整嘅，口感非常滑溜，而且仲奶香濃郁。雪糕方面就揀咗蕃薯味，原來唔係普通蕃薯，而係紫薯味黎，所以顏色好靚，本身對雪糕無咩特別期望，因為雪糕就係雪糕，但係食落真係有驚喜!!雪糕滑得黎帶點黏稠，似係意大利雪糕嘅質感，紫薯味都幾重，偶然仲有啲紫薯粒添，完美嘅總結~
Post
