Layback Cafe & Bar (Closed)

呢間黃店嘅水準幾高，一入到餐廳已經見到好多文宣，環境方面有分室外同室內，好彩一早有訂位，餐廳已經座無虛席。香蒜白酒蘆筍日本和牛粒燴扁意粉 $138呢個意粉味道幾好，食到白酒淡淡嘅清香，見到香蒜以為佢會好濃郁，但味道啱啱好。和牛粒都好juicy又唔韌，唯一係扁意粉太淋身，但味道幾好嘅。牛油果軟殼蟹漢堡配薯條 $138牛油果足足有一個，有驚喜嘅係漢堡皮竟然係用bagel 好有心，bagel好味外脆內又夠咬口，唯一嘅係軟殼蟹炸得太乾，漢堡餡料好多蔬菜都好多。薯條炸得好好，脆脆又不油！日本極上和牛粒配喜馬拉雅山岩鹽 $128和牛分量普通唔算太多，但食落又肉汁，和牛大約五成熟，所以一啲都唔韌。