家常麵

Open Now

Now Closed

每逢屋企附近有新餐廳開，我屋企人都會叫我一齊去試下。呢個位新開左間食上海菜既小店。環境都幾舒服，而且職員有禮親切，好詳細咁推介餐廳既食物。食物質素都好唔錯，小店質素黎講十分驚嘆。😎✅招牌冷麵 $45叫得做“招牌”都對佢有期望，而佢完全符合到我既期望。麵質好彈牙，非常滑。配上小小既肉絲，肉質爽口。另外再加上餐廳自制既招牌，辣醬成個配搭非常好！✅炸雲吞 $30呢個炸雲吞係必食推介！皮炸到好脆，再配上個泰式雞醬，真係好夾，食多幾碟都唔會厭。肉方面都份量大，而且都好Juicy。推介！✅花生醬拌餃子8隻 $38花生醬拌餃子聽落幾特別，就叫左黎試。花生醬好香滑，估唔到配上餃子都幾好食。不過佢最優勝係餃子本身，真係超高質，佢係全人手自己包，餡料好足而且好好食，個皮就做到好滑，真係高質之作！✅蒜泥白肉 $45平時出面食開果d超油，呢間就唔會覺得油，但一樣食到佢果種肥美既味道，唔錯。✅豆漿 $8好滑，豆味都好充足。