Video
Read full review
2024-02-02
369 views
近排天氣keep住凍，當然最好就係去打邊爐，剛好我最好嘅朋友又好鍾意打邊爐，佢生日一於帶佢去打個靚邊邊 😍 今次就去咗荔枝台灣嘅呷哺呷哺 🤤 一人鍋精緻又多選擇，而且湯底唔使爭，大家都可以食鍾意嘅 🫶🏻日本和牛套餐朋友揀咗呢個套餐入面嘅日本和牛胸小排真係非常之高質，啲雪花分布得好均勻，上枱嘅時候我哋見到真係心心眼 😍 淨係呢碟都已經值回票價 👍🏻 輕輕淥一淥 ，肉質十分之嫩滑，亦都有牛嘅香味，我覺得完全唔掂醬料都已經好好味 🤤 呢個餐朋友就配咗佢哋嘅麻辣靈魂鍋，入邊仲有埋鴨血 😋尚青海陸套餐我就當然揀有海鮮嘅套餐啦 😍 呢個餐有魷魚、鯛魚、蝦同埋蛤蠣，全部都好鮮甜，另外再配埋牛肉三選一，我就揀咗美國特選級牛肩胛肉眼，肥瘦適中又夠牛香；至於湯底方面，我就揀咗暖心豬肚鍋，個胡椒味香到連對面嘅朋友都聞到 😍 而且入邊仲有一嚿嚿嘅豬肚，好足料 👍🏻飲品：大紅袍珍珠奶茶、茉香奶綠兩杯嘅茶底都好出好香 😋 奶味又夠濃厚，就算全糖我都覺得唔會死甜，完全可以媲美出名嘅茶飲店，諗唔到跟餐嘅嘢飲都可以咁高質 😍醬料自助區、甜品區佢個湯底有一格細細格嘅，入邊有個菇菌湯，可以就咁飲，超級足料，啖啖都係菇，勁好
日本和牛套餐
朋友揀咗呢個套餐入面嘅日本和牛胸小排真係非常之高質，啲雪花分布得好均勻，上枱嘅時候我哋見到真係心心眼 😍 淨係呢碟都已經值回票價 👍🏻 輕輕淥一淥 ，肉質十分之嫩滑，亦都有牛嘅香味，我覺得完全唔掂醬料都已經好好味 🤤 呢個餐朋友就配咗佢哋嘅麻辣靈魂鍋，入邊仲有埋鴨血 😋
尚青海陸套餐
我就當然揀有海鮮嘅套餐啦 😍 呢個餐有魷魚、鯛魚、蝦同埋蛤蠣，全部都好鮮甜，另外再配埋牛肉三選一，我就揀咗美國特選級牛肩胛肉眼，肥瘦適中又夠牛香；至於湯底方面，我就揀咗暖心豬肚鍋，個胡椒味香到連對面嘅朋友都聞到 😍 而且入邊仲有一嚿嚿嘅豬肚，好足料 👍🏻
飲品：大紅袍珍珠奶茶、茉香奶綠
兩杯嘅茶底都好出好香 😋 奶味又夠濃厚，就算全糖我都覺得唔會死甜，完全可以媲美出名嘅茶飲店，諗唔到跟餐嘅嘢飲都可以咁高質 😍
醬料自助區、甜品區
佢個湯底有一格細細格嘅，入邊有個菇菌湯，可以就咁飲，超級足料，啖啖都係菇，勁好飲 😋 另外佢個醬料自助區選擇到好多，除咗基本嘅豉油、蒜蓉同芫荽嗰啲之外，仲有好特別嘅蜜桃醋，用嚟點肉都幾正 😋 另外甜品區就可以自製刨冰，部刨冰機都幾好玩 😆 而且佢嘅配料非常之多，除咗芋圓同仙草之外，仲有涼粉、芋泥、青瓜凍、紅豆同花生等等，又有檸檬汁同埋黑糖汁， DIY一碗屬於自己口味嘅甜品完全冇難度 🤩
醬料區仲有各種唔同嘅麵食同埋前菜、仲有肉燥飯 🤤 見到有烏冬、王子麵等等，最正就係有個紫薯麵，可惜個餐本身太豐富，所以都食唔到麵 🙈 至於前菜就有木耳同埋蘿蔔，佢個酸蘿蔔醃得幾好食㗎 🫶🏻 另外個餐仲有個蔬菜籃，入邊仲有埋貢丸同埋福袋，菜同菇嘅份量都唔少，而且都好新鮮，感覺成個餐健康咗好多 😆
Post
