鮮‧港式串燒吧 (Moved) New Location

同朋友聚會，言談間有人推介呢間串燒店，於是就去試下喇一般串燒店都係地鋪，但呢間唔係，位於工廠大廈入面，而且好易就搵到上到去，地方好企理闊落，最緊要唔會好似有部分串燒店咁滿佈油煙同埋好迫點左好多野，以下只係部分節錄雞軟骨：燒得好惹味爽口，又唔會太過咸，食完都想再食牛脷串：好厚身，但出奇地唔刃，肉質好腍兼嫩滑羊架：算係多肉，配料同火候控制得好，而且冇乜騷味之餘仲好爽口煙肉芝士蘑菇：呢個真係值得介紹，首先個菇真係夠哂大，菇上面鋪滿哂芝士，咬落去多汁兼好有濃郁芝士味，而且啲芝士仲拉哂絲燒春雞：呢個就有點兒失望啦，首先等左好耐，其次係啲雞肉偏乾而且味淡，太過平平無奇