Video
Read full review
2024-08-17
314 views
話說牛大人都係小編其中一間最鍾意食嘅邊爐放題，選擇多之餘食物質素都唔錯，耐冇食都有啲掛住牛大人，所以今日小編就去咗😋-🥩極上和牛吃到飽套餐 ($328)呢個套餐會免費送和牛牛丸，咬落好彈牙，食落亦都好香牛味~🥘湯底見到佢哋有期間限定嘅湯底，所以我哋就叫咗其中一種嚟試，係醍醐蕃茄酸辣鍋，呢個配搭好開胃，不過會有少少辣，但係食落好過癮，而且都有好多蕃茄肉好足料🫶🏻🥩牛肉打邊爐最重要梗係牛肉，小編喺呢度同大家介紹吓幾款小編覺得呢個套餐裏面最好食嘅牛肉~分別係安格斯牛小排、SRF黑牛同澳洲M5和牛，安格斯牛小排係咁多款牛肉裏面小編覺得最好食，肉嘅油脂分布好靚好平均，而且咬落去牛味最重，口感軟熟🥰其餘兩種嘅油脂分布同埋肉嘅紋理都好靚！🫔台式小食牛大人其中一樣最大嘅特色就係佢哋除咗可以打邊爐，仲可以食台式小食，當中小編最推介大家試鹽酥雞同埋台灣香腸，鹽酥雞炸得外脆內軟，調味適中唔會太鹹，而台灣香腸仲會配上新鮮蒜片，食落去好有台式風味😍🌽自助區及其他火鍋配料由於選擇真係太多，所以小編重點講幾個好推介大家試吓嘅配料！推介大家試吓台式蝦餃、蛋餃仲有佢哋自家製嘅滑，用料幾新鮮，而且味道都好好，另外鍾意食煙
-
🥩極上和牛吃到飽套餐 ($328)
呢個套餐會免費送和牛牛丸，咬落好彈牙，食落亦都好香牛味~
🥘湯底
見到佢哋有期間限定嘅湯底，所以我哋就叫咗其中一種嚟試，係醍醐蕃茄酸辣鍋，呢個配搭好開胃，不過會有少少辣，但係食落好過癮，而且都有好多蕃茄肉好足料🫶🏻
🥩牛肉
打邊爐最重要梗係牛肉，小編喺呢度同大家介紹吓幾款小編覺得呢個套餐裏面最好食嘅牛肉~
分別係安格斯牛小排、SRF黑牛同澳洲M5和牛，安格斯牛小排係咁多款牛肉裏面小編覺得最好食，肉嘅油脂分布好靚好平均，而且咬落去牛味最重，口感軟熟🥰其餘兩種嘅油脂分布同埋肉嘅紋理都好靚！
🫔台式小食
牛大人其中一樣最大嘅特色就係佢哋除咗可以打邊爐，仲可以食台式小食，當中小編最推介大家試鹽酥雞同埋台灣香腸，鹽酥雞炸得外脆內軟，調味適中唔會太鹹，而台灣香腸仲會配上新鮮蒜片，食落去好有台式風味😍
🌽自助區及其他火鍋配料
由於選擇真係太多，所以小編重點講幾個好推介大家試吓嘅配料！
推介大家試吓台式蝦餃、蛋餃仲有佢哋自家製嘅滑，用料幾新鮮，而且味道都好好，另外鍾意食煙煙韌韌口感嘅都可以試吓佢哋嘅手工大黑輪，食落真係好軟熟同埋煙靭🤓
嗌麻辣湯底嘅都可以再嗌佢哋嘅鴨血，同麻辣湯底真係好夾，至於蔬菜，小編好推薦大家嗌水蓮，呢個係台灣火鍋先有得嗌，唔係度度都有得食🤣
🍸飲品
除咗出邊嘅自助飲品可以飲到佢哋嘅自家冷泡茶，同一啲台灣生產嘅飲品例如麥香之外，仲有啲付費飲料可以揀，小編見到有得試Hoegaarden嘅白桃啤酒就即刻嗌咗杯，飲落白桃味好香，感覺好清新，幾有驚喜🍑
🍦甜品
一樣都係選擇好多，除咗雪糕仲有得食仙草，小編仲見到呢排有得任食Dreyer’s嘅甜筒同雪條，仲要係開心果味😍
今次小編食嘅係荃灣分店，好多其他地方都有牛大人嘅分店，荃灣店有啲二人位都會好似小編咁可以坐卡位，仲可以望得到荃灣夜景😙
個人覺得呢個價錢食到咁多種選擇同埋質素都唔錯嘅食物，性價比都算高，鍾意食台式火鍋嘅話，呢度真係唔錯嘅選擇！
味道 8/10
服務 7/10
環境 8/10
回頭率8/10
總評 8/10😋🤍
人均消費 $360💰
-
📍 牛大人台灣火鍋吃到飽(荃灣)
荃灣眾安街55號大鴻輝(荃灣)中心16樓
#米食荃灣 #米打邊爐 #米食台灣菜 #荃灣美食
Post
