Video
Read full review
2022-03-17
123 views
嚟介紹下特色cafe喇☕️！今次想同大家分享嘅係位於土瓜灣嘅台式cafe The Grove🇹🇼。呢間餐廳早喺大圍已經開設門店㗎喇，估唔到而家嚟到土瓜灣都有得食🤭。由於我實在太耐冇食過台灣菜啦，所以機遇巧合之下先會介紹呢間台式cafe畀大家😚。唔講咁多開場白喇✨，即刻入正題！環境方面☝🏻先講下餐廳嘅裝修先，因為餐廳其實都算係開業無耐，所以整體裝修都算新淨👍。我特別鍾意餐廳入面嘅一幅畫，個主題當然都係關於The Grove cafe啦🤪，而我咁啱坐嘅位就正正同幅畫對望住🤣，望到畫入面嘅人物過得咁chill，都稍為影響到我㗎🤣。食物方面✌🏻#阿ROY牛肉麵（$63）據我所知，個名嘅由來就係cafe老闆想致敬返昔日老闆而命名嘅😌。講返味道先，我覺得牛肉麵嘅湯底真係熬得好出色，聽聞餐廳係用咗15種材料去煮個湯底㗎👁，真係唔怪得飲落個湯嘅味道會咁香濃😝，仲要香濃得嚟又有少少辣，真係好開胃😍。而牛肉嘅部分，餐廳就採用咗牛腱部分，咬落個肉質都幾鬆化㗎✨，而且口感軟淰❤️。麵質又夠爽口彈牙🍜，整體絕對係一碗出色嘅牛肉麵！#魯肉貝果配地瓜條（$70）平時各式各樣嘅bagel我都見過，但我真係未試過夾魯肉嘅b
今次想同大家分享嘅係位於土瓜灣嘅台式cafe The Grove🇹🇼。呢間餐廳早喺大圍已經開設門店㗎喇，估唔到而家嚟到土瓜灣都有得食🤭。由於我實在太耐冇食過台灣菜啦，所以機遇巧合之下先會介紹呢間台式cafe畀大家😚。唔講咁多開場白喇✨，即刻入正題！
環境方面☝🏻
先講下餐廳嘅裝修先，因為餐廳其實都算係開業無耐，所以整體裝修都算新淨👍。我特別鍾意餐廳入面嘅一幅畫，個主題當然都係關於The Grove cafe啦🤪，而我咁啱坐嘅位就正正同幅畫對望住🤣，望到畫入面嘅人物過得咁chill，都稍為影響到我㗎🤣。
食物方面✌🏻
#阿ROY牛肉麵（$63）
據我所知，個名嘅由來就係cafe老闆想致敬返昔日老闆而命名嘅😌。講返味道先，我覺得牛肉麵嘅湯底真係熬得好出色，聽聞餐廳係用咗15種材料去煮個湯底㗎👁，真係唔怪得飲落個湯嘅味道會咁香濃😝，仲要香濃得嚟又有少少辣，真係好開胃😍。而牛肉嘅部分，餐廳就採用咗牛腱部分，咬落個肉質都幾鬆化㗎✨，而且口感軟淰❤️。麵質又夠爽口彈牙🍜，整體絕對係一碗出色嘅牛肉麵！
#魯肉貝果配地瓜條（$70）
平時各式各樣嘅bagel我都見過，但我真係未試過夾魯肉嘅bagel🤣，難得有機會我就當然要試吓啦。講返味道先，餐廳bagel嘅味道好特別，唔似平時喺cafe食到嘅味道😬。要形容嘅話就有啲似烘過嘅酒樓包點咁，個口感好特別😙。而bagel嘅內餡同樣夠晒驚喜🤩，裏面一共有五塊大大嚿嘅魯肉，完全係塞滿晒成個bagel😝，講返味道先，我覺得魯肉煮得好入味，而且個口感好綿密，可以食到高質素嘅啖啖食🐖。至於地瓜條方面，我不嬲都支持食蕃薯條🍠，因為自我感覺會比薯條更健康🍟。講返味道先，我覺得咬落真係夠脆口，而蕃薯蓉喺入面嘅份量都算多👍，算係同bagel幾match嘅小食！
#豆沙窩餅（+$22）
我覺得個賣相好特別😳，估唔到豆沙窩餅最後係三角形塊狀咁呈上👾。講返味道先，我鍾意餐廳豆沙餡嘅份量放得啱啱好。我覺得如果豆沙餡放太多絕對唔係好事🙅，如果分開幾啖咬嘅話，豆沙餡就好大機會爆出嚟，咁樣食得太狼狽啦🤐。而餐廳就避免咗呢個問題，相當貼心🤭。
#蔥肉餡餅（+$22）
就咁睇個賣相畀我嘅感覺係有啲似生煎包🤣，不過估唔到呢份小食就算冇用保溫嘅器皿裝住，個包嘅溫度依然保持🥵。咬落口個刻真係熱辣辣，喺呢個天氣嚟講真係無得輸！而肉餡嘅味道都好正，除咗啲肉質夠晒綿密，仲有好濃烈嘅蔥味🥳。而個醬汁帶有少少酸味，整體我覺得好夾個餡餅😍。
#鹽酥雞（+$22）
我本人真係幾鍾意食鹽酥雞🧂🐔，因為貪佢有炸雞嘅感覺而唔需要拆骨🤣。講返餐廳嘅鹽酥雞先，我覺得雞件嘅份量算係比一般嘅大，幾抵食😋。同埋我覺得餐廳嘅炸物真係有一手，可以確保到每件都咁香脆仲要唔油膩，咬落嘅聲用嚟拍ASMR都幾正😚。
#黃金芋圓球（+$20）
呢份小食顧名思義就係炸芋圓球，我覺得個賣相好適合打卡📸，特別係咬開之後，會睇到唔同嘅顏色同層次❤️。我覺得佢仲好食過榴槤炸彈，因為個芋圓球入面嘅芋圓係溶溶地嘅狀態架😇，成件事真係好邪惡😈。我覺得絕對係必定要叫嘅小食！
#黑糖薑茶（熱）（$26）
個人覺得味道算係正常，都係同一般嘅黑糖薑母茶差唔多。不過佢勝在夠養生啊🤣，咁已經吸引到人飲啦！
#珍珠奶綠（凍）（$26）
我幾鍾意珍珠嘅煙韌度，煮得啱啱好，唔會過硬😝。同埋珍珠嘅數量都幾多㗎，每啖都可以食到大量珍珠🤣。
👉🏻整體我覺得佢算係一間高質嘅台式cafe，仲要佢嘅價錢都唔算好貴。如果住喺附近或者喺附近返工想食台式嘢嘅，絕對值得考慮呢間餐廳啊！
評分以🌕表示（滿分為5）
環境：🌕🌕🌕🌕🌗
賣相：🌕🌕🌕🌕🌑
味道：🌕🌕🌕🌕🌗
服務：🌕🌕🌕🌕🌗
Post