Video
Read full review
2019-06-25
290 views
之前幾次經過呢個商場都覺得好神秘好高級咁，對佢上面嘅嘢食好有興趣，今日終於搵到機會同朋友去試一試！原來呢度成層有三間唔同嘅餐廳，全部都係同一個集團開嘅，食嘅嘢雖然唔同，但裝修嘅格局都係以簡約高尚為主。我哋最後揀咗打邊爐嘅J-POT。呢間餐廳係以音樂作為主題，正中間有一個好大嘅螢幕播緊周杰倫嘅演唱會，周圍嘅裝修都係用鋼琴樂譜設計，有種好舒適嘅感覺。連餐牌上面都有食譜架，不過我就唔識睇啦，求高人指點～前菜我地揀咗和牛響鈴，即叫即整，外皮酥脆，一口咬落去仲有少少汁，和牛味超濃，好味！嘢飲方面我嗌咗香桃烏龍茶配熱情果珠，個茶底係冇落糖嘅，啲甜味完全係由熱情果珠負責，酸酸甜甜嘅爆珠效果，我覺得幾好，因為通常有糖水嘅茶底都會偏甜，變左糖水味水果茶就唔好味啦，仲要肥添!等緊火鍋嚟嘅期間，侍應拎左個九宮格醬料格俾我哋混醬，不過其實佢本身俾我哋嘅嗰個豉油都已經有味，本人極力推介左上果個蝦米辣醬，好香蝦米味，唔會太辣，鮮味十足！主角到～打得邊爐個湯底梗係最重要，所以我哋就揀咗北海道毛蟹湯底，呢度嘅湯底寫明全部都冇味精。係淥嘢食之前，侍應會先筆啲湯俾我哋飲下原汁原味嘅毛蟹湯，真係好鮮甜，蟹味係超濃！因為真係
原來呢度成層有三間唔同嘅餐廳，全部都係同一個集團開嘅，食嘅嘢雖然唔同，但裝修嘅格局都係以簡約高尚為主。我哋最後揀咗打邊爐嘅J-POT。呢間餐廳係以音樂作為主題，正中間有一個好大嘅螢幕播緊周杰倫嘅演唱會，周圍嘅裝修都係用鋼琴樂譜設計，有種好舒適嘅感覺。
連餐牌上面都有食譜架，不過我就唔識睇啦，求高人指點～
前菜我地揀咗和牛響鈴，即叫即整，外皮酥脆，一口咬落去仲有少少汁，和牛味超濃，好味！
和牛響鈴
$58
74 views
0 likes
0 comments
嘢飲方面我嗌咗香桃烏龍茶配熱情果珠，個茶底係冇落糖嘅，啲甜味完全係由熱情果珠負責，酸酸甜甜嘅爆珠效果，我覺得幾好，因為通常有糖水嘅茶底都會偏甜，變左糖水味水果茶就唔好味啦，仲要肥添!
香桃烏龍茶配熱情果珠
$68
42 views
0 likes
0 comments
等緊火鍋嚟嘅期間，侍應拎左個九宮格醬料格俾我哋混醬，不過其實佢本身俾我哋嘅嗰個豉油都已經有味，本人極力推介左上果個蝦米辣醬，好香蝦米味，唔會太辣，鮮味十足！
主角到～打得邊爐個湯底梗係最重要，所以我哋就揀咗北海道毛蟹湯底，呢度嘅湯底寫明全部都冇味精。係淥嘢食之前，侍應會先筆啲湯俾我哋飲下原汁原味嘅毛蟹湯，真係好鮮甜，蟹味係超濃！因為真係撈到一隻蟹出黎架！果然係真材實料～
北海道毛蟹湯底
$268
24 views
0 likes
0 comments
西班牙黑毛豬：一睇就知靚野，肥瘦均勻，好快616就食得啦。不得不說，呢隻黑毛豬係我食過最好味嘅黑毛豬，平時打邊爐啲黑毛豬一係就太厚好韌一係就太薄冇豬味，呢度嘅係切得薄之餘仲超超超有豬味！我地完全冇點醬汁都已經覺得好夠味！
西班牙黑毛豬
17 views
0 likes
0 comments
我最期待既日山A5和牛拼盤～靚到冇人有！見到啲牛粉紅粉紅咁仲要雪花飛舞，望到已經覺得幸福～值得一讚嘅係呢度嘅服務真係一流，為左俾我哋試到啲牛最佳嘅味道，個侍應係會親手逐片幫我地淥，完全係星級服務。侍應建議食牛最好要由比較有咬口同淡味嘅部分開始食，再慢慢食口感軟腍同油花較多嘅部分，令味覺同口感嘅層次慢慢升級。
日山A5和牛拼盤
$768
80 views
0 likes
0 comments
雖然我已經唔記得自己食咗邊啲部份，淨係記得全部牛都好肥美～佢淥咗出嚟半熟嘅時候超正，係粉紅色㗎，食完真係成個口都係果陣牛味，正到飛起呀！！日本和牛真係無得輸～永遠都係最愛～
牛丸：牛丸來講，呢隻牛丸嘅牛味都算濃，有少少蔥花，入面仲有蝦，口感層次幾豐富，蔥花令到成粒牛丸味道唔會漏，好味！
牛丸
12 views
0 likes
0 comments
10 views
0 likes
0 comments
朋友係冇澱粉不歡， 侍應介紹之下我哋揀咗三款唔同嘅麵食，全部都係自家製嘅。我最鍾意食佢嘅闊條麵，口感煙韌同埋蛋味好濃。朋友就中意食個烏冬，彈牙又滑。紅菜頭麵就不過不失。
日式蔬菜拼盤：食完咁多邪惡嘅肉類梗係要食下蔬菜解除罪惡感啦～本身以為右上角果個係皇帝菜，原來係來自日本嘅春菜，不過我覺得陣味都係有啲相似嘅。另外佢個凍豆腐好得意，冇平時食開嘅凍豆腐咁硬身，又唔似普通豆腐咁軟身，佢係介乎中間嘅質地，即係筷子好易夾開但係唔會散，口感就係軟腍同滑啲凍豆腐咁，好得意。
食飽飽最尾梗係唔少得甜品啦，因為侍應話呢間餐廳全部係由法國藍帶甜品師整㗎。我哋揀咗芒果雪糕配蛋白脆餅。個蛋白脆餅食落係乳酪味嘅，芒果雪糕下面有一舊類似牛油嘅嘢，但食落係好綿密嘅芒果味嘅類似慕絲又唔係咁，好難形容，令人摸唔透嘅藍帶廚師功架。不過好食就得啦～
芒果雪糕配蛋白脆餅
$78
8 views
0 likes
0 comments
總括而言，呢間餐廳嘅嘢食係好高質，好多嘢都係自家製，食材好新鮮，氣氛亦都好好，服務仲要一流添。寫緊食評嘅我已經掛住嗰浸牛味，值得推介！
Post
