Video
Read full review
2017-08-16
1064 views
開心星期天，放假梗係要食餐好的，帶埋屋企人黎左銅鑼灣呢間頂層米芝蓮推介餐廳食weekend brunch。每人$358包自助前菜、一個主菜同自助甜品。可能仲貴過一般酒店自助餐但個人認為係抵食，因為食物質素真係唔錯。先講環境，位於頂層，落地玻璃見到海景，我地坐的圓抬係梳化式，坐得舒服。人唔太多，星期日中午時間都唔係滿座，所以唔會好嘈好迫，靜靜地休閒舒適。點完主菜就已經可以出去自助bar攞前菜食物。款式都唔少，有海鮮(蝦、螺)，有唔同款式的辣肉腸，有沙律(當中有泰式沙律芋絲)、熟食有牛油煮雜菌、忌廉粟米。我要重點推介佢的parma ham配蜜瓜！個火腿好薄身，夠咸香但又唔會過咸，洽到好處。個蜜瓜不得了，好鮮甜，配ham食真係一流。無論紅肉定青肉蜜瓜都一樣咁甜！另外要贊個cream corn忌廉粟米，超好味，好creamy，粟米好甜好香，雖然好heavy但都忍唔住拎左幾次。仲要提下個螺，好鮮好爽口，非常好食。每樣前菜都好好味，幾乎每樣都要encore!到左主菜，兩款扒我地都各叫一份。一個係西冷一個肉眼。我叫左5成熟但有少少overdone左，不過佢烤得好香，一上抬個肉味已經好強，烤得啱啱好做
每人$358包自助前菜、一個主菜同自助甜品。可能仲貴過一般酒店自助餐但個人認為係抵食，因為食物質素真係唔錯。
先講環境，位於頂層，落地玻璃見到海景，我地坐的圓抬係梳化式，坐得舒服。人唔太多，星期日中午時間都唔係滿座，所以唔會好嘈好迫，靜靜地休閒舒適。
點完主菜就已經可以出去自助bar攞前菜食物。
Appetizer platter
15 views
0 likes
0 comments
Appetizer platter
19 views
0 likes
0 comments
款式都唔少，有海鮮(蝦、螺)，有唔同款式的辣肉腸，有沙律(當中有泰式沙律芋絲)、熟食有牛油煮雜菌、忌廉粟米。我要重點推介佢的parma ham配蜜瓜！個火腿好薄身，夠咸香但又唔會過咸，洽到好處。個蜜瓜不得了，好鮮甜，配ham食真係一流。無論紅肉定青肉蜜瓜都一樣咁甜！另外要贊個cream corn忌廉粟米，超好味，好creamy，粟米好甜好香，雖然好heavy但都忍唔住拎左幾次。仲要提下個螺，好鮮好爽口，非常好食。每樣前菜都好好味，幾乎每樣都要encore!
Striploin steak
19 views
0 likes
0 comments
Rib eye steak
29 views
1 likes
0 comments
到左主菜，兩款扒我地都各叫一份。一個係西冷一個肉眼。我叫左5成熟但有少少overdone左，不過佢烤得好香，一上抬個肉味已經好強，烤得啱啱好做到外脆，又鎖得住肉汁。一切落去肉汁已經流出，面頭少少的海鹽已經帶出個肉味，基本上冇汁都好好味。
Slow-cooked salmon
20 views
0 likes
0 comments
另一個主菜係慢煮三文魚，真係煮得好淋，有八爪魚都好淋，味道係唔錯既，但個人認為煎或烤會好食啲，純屬個人喜好。
綠茶奶凍
17 views
0 likes
0 comments
甜品都係自助形式，不過款式就冇前菜咁多，只有幾款布甸、奶凍同brownie。值得一贊係個綠茶奶凍，估唔到綠色味濃又唔會過甜，加埋有朱古力脆粒係面，增加口感。
分子雪糕
16 views
0 likes
0 comments
佢呢度仲有特別的分子雪糕，芒果味幾香又唔會好甜，質感真係做到雪糕咁，不過真係超快就溶，真係要快食先得。
呢度的brunch價錢唔平但勝在食物同環境質素好，值回票價。
Post
