和拉麵

Open Now

Now Closed

今日系大埔行行下街朋友突然間覺得有點肚餓，系大埔依到搵野食一啲都吾難，就系轉角位比我地見到間名叫約和拉麵既拉麵店，門面比我既感覺好似置身日本一樣，店內環境舒適，店內座位雖然少，但已經坐滿人，另外一字排既座位式設計亦都舒服。睇咗一陣餐牌然後店員好有禮貌地推介我地食拉麵套餐，附送小食加飲品，我地就點咗一個原味豬骨拉麵同埋一個辛辣拉麵，小食方面，就選擇咗章魚小丸子和餃子，而飲品就大家都系揀可樂，等左大約15分鐘就上枱，吾算等得太耐。首先，賣相同其他拉麵無太大既分別，但原味豬骨拉麵湯底濃郁，麵質彈牙，味道比較出，然而辛辣拉麵，讚，因為朋友選擇咗大辣，辣度四粒星，麵質彈牙剛剛好，另外小食方面，章魚小丸子就算放涼都沒問題，都系保持住外脆內軟，而餃子就算不點餃子汁都好有鮮味。