一喜日本料理

Open Now

Now Closed

今日我喺某位朋友嘅介紹下，同另一位朋友去咗呢一間位於尖沙咀嘅日本餐廳。我哋首先點咗一份「松」刺身拼盤，包括帆立貝、八爪魚、甜蝦、三文魚、北寄貝、鮪魚、劍魚腩。成個拼盤賣相精美，刺身亦好新鮮，相當吸引。所有刺身都好鮮甜，令人想食完再食跟住我哋點咗一個雜錦天婦羅，有大蝦、冬菇、茄子、番薯同南瓜。天婦羅香脆可口，亦可以享受到食材嘅鮮味，再加上蘿蔔蓉可以消除油膩感，簡直絕配。我哋仲點咗一個鹿兒島豚肉鍋，湯底鮮美，唔會因為豚肉而太肥膩，值得嘗試。總括而言，呢間餐廳質素幾高，好值得大家去品嘗。