賀喜 (美孚新邨) (Closed)

第二次食「賀喜」，不得不讚！侍應生服務態度良好，已勝一籌！傳統日式料理，清酒選擇可不少！各款刺身都很不錯，想讚的是含豐富膠原蛋白的象拔蚌，肉質爽脆 ，有彈性，夠鮮甜，可以一再encore! 鯛魚湯手打烏冬主角之一的鯛魚，是低脂肪、高蛋白的健康食物，味道清淡，鮮香味美，湯底都食到鮮魚的味道！手打烏冬夠洒彈牙，正！雜錦天婦羅有鮮冬菇、蕃薯、蝦、紫蘇葉(比較少見) 、魚和茄子，即炸脆口，炸皮薄身！串燒：鹽燒牛肋條、雞腎、手羽及甜薯，最欣賞牛肋條及手羽，食完一串都再點！呢個招牌卷真係要食，鰻魚面加卷住玉子、蟹子、蟹柳，竟然仲有牛油果，而不是青瓜！有三件或六件揀，下次會點六件，因為如果同朋友share, 每人一件係唔夠喉的！牛油果壽司，生熟度剛好的牛油果，$10 一件，抵喎！