大紅袍火鍋料理 (Closed)

我地都係烈女，唔怕熱的！仲揀左今日去打！邊！爐！行開去左一間係太子樓上既自選湯底/配料的台灣養生鍋———大紅袍！1. 湯底-金屋藏嬌店員推介，每天限量發售。我地食到材料有花膠，蟲草，竹笙；冬瓜和雞會原件放入去煲，湯底清甜。煲到咁上下，店員會將佢切件。當個湯滾起時，有晒材料的精草，忍唔住飲兩啖先再落材料鋪頭職員另一抵讚位，會經常留意我地湯底量，唔夠就會主動黎加湯，細心👍🏻2. 大紅袍牛肉三拼三拼分別有手切肥牛，牛板腱，安格斯牛肉。因為打邊爐黎講，我個人比較鐘意食軟身牛肉，所以手切牛肉我覺得最美味，其次到中等軟身的安格斯。牛板腱較有咬口，會越食越有牛味。三拼有樣好，你總會揀到你想食的東西！3. 西班牙豬肉上碟賣相好靚。我地放左豬在牛肉之前，所以食豬肉放係較清既湯底, 可以更加食到佢地既肉質。豬肉切得好薄，但味都係濃，讚👍🏻4. 招牌餃話得招牌，就要試試啦。餡料有黑松露蟹肉，真係啖啖蟹肉，係好奢侈嘅餃子，味道幾香！其他地方未見過😆5. 自家制炸魚皮拼紫菜響鈴呢個我覺得係必點, 本身都有唸過自家製同外邊買的有咩分別。但食落就feel 到，佢係仲有少少油係面，炸起風乾應該未係好耐，浸湯再食好好味