平民扒房@友蠔食 (Moved) New Location

食牛扒唔一定要去高級西餐扒房，行過旺角通菜街見到呢間地道餐廳，號稱平民扒房，一試極之有驚喜，食出另一番美味。生蠔拼盤(頂級法國生蠔)先試一盤靚生蠔，餐廳除左牛扒係招牌菜之外，另一樣招牌就係新鮮靚生蠔。生蠔反到隻隻都好飽滿有肉有光澤，就咁睇已經好吸引，食落有蠔味仲好鮮甜唔腥，唔洗落太多檸檬汁同醬都ok。中意生蠔既就唔好錯過。石燒牛扒黎到呢度就要試作招牌菜，枱枱都會叫石燒牛扒，我地揀左牛柳，店員會解釋點石燒，之後就可以自己切自己選擇厚薄同生熟情度。咁樣燒嘅牛扒又香又多汁，特別美味，食之餘仲係好好嘅體驗。海膽蟹籽意大利粉意粉好好食，個汁特別出色，有驚喜，海膽蟹籽比嘅份量好多，好滿足。芒果乳酪特飲 石榴乳酪特飲兩款餐廳推薦特飲，唔會太甜好清新，食落野飲舒服曬。