Niku Niku (Closed)

大坑美食多，今日就專誠book左位食日式烤肉，好彩最後都冇令我失望呀！無論係食物品質定係服務都係一流，屋企人大讚我揀餐廳揀得好💕Niku Niku最招牌就係日本和牛，絕對係高品質既靚和牛，雖然價錢唔算好親民，但係港島區黎講算係價錢合理。-餐廳有得點套餐或單點，套餐最抵食，依家做緊Special Price$1830，除左各式前菜，最重點係有海膽生牛肉、燒肉拼盤同牛尾湯麵。但因為我同屋企人胃口較細，唔想有負擔，今次就單點住先，下次再黎一定會嗌多啲朋友一齊開心Share。前菜柚子蘿蔔清甜可口，柚子味都幾重，咬落去好多汁，一口接一口好快就比我地食清光。一場黎到當然要試埋佢地招牌既生牛肉，所以我地點左一份和牛他他share食❤️和牛他他鮮香味十足，香濃既蛋汁同牛肉二合為一，加埋完全唔會辣既洋蔥，成個配搭香口又惹味。係夏日炎炎既日子，食返個生牛肉真係好幸福。烤肉方面，我地點左特上牛柳肉、日本赤雞腿肉同黑豚肩里脊肉薄切，一共豬牛雞三款肉類。當然最正一定係牛柳肉，牛柳肉都係和牛級別。唔好烤到咁熟，表面燒到熟，入面肉質仲有少少粉紅色就岩岩好。因為所有和牛都係可以當做刺身食，所以唔洗擔心會太生唔熟。牛柳厚