喜喜麵館 (Closed)

住喺附近，依間係一間新開有質素嘅車仔麵店。我夠膽講，呢間車仔麵店喺美食街入面，數一數二好食嘅一間餐廳，雖然餐廳地方唔算話好闊落，但係都絕對足夠。至於食物方面，無論係湯底定係面，都非常之有質素，湯底味道很好，其他全部配料都係心機之作，服務員認真和友善的態度都非常值得欣賞，整體來講係真係好唔錯。有一個給食客嘅小小意見，湯底加腩汁和芫荽，會好食好多，另外豬大腸同豬紅，如果夠膽食內臟嘅食客，都值得一試，其餘我都未試過，有機會經過大家試吓，今年真係少咗好多質素嘅餐廳。